Referendým: Túrkistan oblysynda «Selfıge tús te, jeńimpaz atan!» konkýrsy ótip jatyr

<p>TÚRKІSTAN. KAZINFORM - Jalpyhalyqtyq referendým kúni Túrkistan oblysyndaǵy daýys berý ýchaskelerine kelýshiler úshin arnaıy fotoaımaqtar ornatyldy.</p>

Túrkistan oblysynyń turǵyndary daýys berý ýchaskeleriniń mańynda selfıge túsip, #referendýmǵakel, #daýysber syndy heshtegtermen áleýmettik jelilerge jarııalap, konkýrsqa qatysýda. Jeńimpazdardy anyqtaý ashyq túrde ótpek. ıAǵnı, kez-kelgen daýys berýshi óz paraqshasyna sýret salyp, heshteg qoıý arqyly, túrli syılyqtarǵa ıe bolady.

Ol úshin daýys berý ýchaskelerinde arnaıy fotoaımaq jasalǵan. Onda «Men óz tańdaýymdy jasadym», «Ár azamattyń daýysy mańyzdy» degen uran sózder bar. Foto aımaqtar arnaıy gúldermen jáne sharlarmen arnaıy bezendirilgen.

Aıta ketsek, oblysta 1 mln 180 myńnan asa daýys berýshi bar. Barlyq 945 referendým ýchaskesinde 6 433 baıqaýshy men 20 mobıldi kapıtan jumys istep jatyr.

Osyǵan deıin habarlaǵanymyzdaı, AEs salý jónindegi referendýmda elimiz boıynsha 7,5 mln adam daýys bergen.