Referendým Prezıdentimizdi halyqtyń qoldaıtynyn taǵy bir kórsetip berdi - Máýlen Áshimbaev

<p>ASTANA. KAZINFORM - Referendým Prezıdentimiz Qasym-Jomart Kemeluly Toqaevtyń Ádiletti Qazaqstan qalyptastyrý jolyndaǵy baǵdaryn halyqtyń qoldaıtynyn taǵy bir kórsetip berdi. Bul týraly Senat Tóraǵasy Máýlen Áshimbaev Feısbýktegi paraqshasynda <a href="https://www.facebook.com/m.ashimbayev" target="_blank" rel="noopener">jazdy</a>.&nbsp;</p>

"Búgin Ortalyq referendým komıssııasy AES salý máselesine qatysty respýblıkalyq referendýmda daýys berýdiń aldyn ala nátıjelerin jarııalady. Soǵan sáıkes referendýmǵa qatysqan azamattardyń 71,12 paıyzy atalǵan máseleni qoldap daýys bergeni belgili boldy. Osylaısha, qazaqstandyqtar óz tańdaýyn jasap, el bolashaǵyna qatysty strategııalyq sheshimdi demokratııalyq jolmen qabyldady.

Bul oqıǵa Prezıdentimiz Qasym-Jomart Kemeluly Toqaevtyń Ádiletti Qazaqstan qalyptastyrý jolyndaǵy baǵdaryn halyqtyń qoldaıtynyn taǵy bir kórsetip berdi", - dedi Senat tóraǵasy.

Sondaı-aq, Senat basshysy referendým «Halyq únine qulaq asatyn memleket» tujyrymdamasy aıasynda jasalǵan kezekti naqty qadamdardyń biri ekenin atap ótti.

"Oǵan (referendýmǵa - red.) azamattardyń belsendi qatysýy elimizde jańa saıası mádenıettiń ornyǵa túskenin bildiredi.

Jalpy, atom elektr stansasy – turaqty jáne taza qýat kózi. Bul energııa tapshylyǵyn azaıtý jáne ekonomıkalyq damý jolynda aıryqsha mańyzǵa ıe. Sondyqtan osy referendým jáne halyq qabyldaǵan sheshim elimizdi jańa beleske shyǵarady dep senemiz", - dep túıdi sózin Máýlen Áshimbaev.

Aıta keteıik, buǵan deıin Qazaqstandyqtardyń 71,12 paıyzy referendýmda AES qurylysyn qoldap daýys bergenin jazǵan edik.