Referendým kúni Almatyda 81 náreste ómirge keldi
Almaty qalalyq qoǵamdyq densaýlyq saqtaý basqarmasynyń málimetinshe, 5 maýsym kúni megapolıstegi perzenthanalarda jalpy sany 81 bala dúnıe esigin ashqan.
Onyń 40-y - ul, 41-i - qyz bala. Arasynda egiz balalar da bar.
«Balam referendým kúni dúnıege keldi. Ul bala. Bul - elimiz úshin tarıhı oqıǵa. Sondyqtan jaqysylyqqa balap otyrmyz. Bul kúni dúnıege kelgen sábıler Jańa Qazaqstannyń baqytty, bolashaǵy jarqyn azamaty bolsyn», - deıdi jas ana Venara Káribaeva.
2021 jyly Almatyda 42 myńnan astam sábı dúnıege kelgen.
Eske salaıyq, Táýelsizdiktiń 30 jyldyq mereıtoıynda dúnıege kelgen sábılerge Memleket basshysy Qasym-Jomart Toqaevtyń atynan arnaıy syılyqtar tabys etildi.
«Súıinshi» dep alatyn qorapqa sábılerge qajetti jórgek, kıim-keshek pen ózge de zattar salynǵan.
Eske sala keteıik, munyń aldynda referendým kúni Atyraýda 33 náreste, Nur-Sultanda 65 sábı dúnıege kelgenin jazǵan edik.