Referendým kúni energetık shańyraq kóterdi

<p>ORAL. KAZINFORM &mdash; Búgin Oral qalasynda el tarıhy úshin mańyzdy kúni shańyraq kóterip, qol ustasyp daýys berýge kelgen jas-jubaılar kópshilikti súısintti. Bir ereksheligi otaý qurǵan azamattyń mamandyǵy &ndash; energetık. Murat pen Gúlzınattyń tanystyǵy Murat- Batys Qazaqstan oblysynyń energetıka jáne turǵyn úı-kommýnaldyq sharýashylyq basqarmasynyń bólim basshysy, al Gúlzınat Oral qalasy ákimdiginiń baspasóz qyzmetinde eńbek etken kezde bastalypty. Eki jas eki jyldan astam ýaqyt birge júrip, dál osy referendým kúni nekelerin qıdyrýǵa bekinipti.</p>

Bir qyzyǵy, toıdy josparlaǵan kezde olar bul kún mańyzdy oqıǵa — atom elektr stantsııasynyń qurylysy boıynsha referendýmmen sáıkes keletinin bilmedi.

Otaý qurǵan jastar toı aldynda aldymen referendýmǵa arnaıy kelgen.

Foto: BQO ákimdigi

— Bizdiń shańyraq kóterýimiz osyndaı aıtýly datamen tuspa-tus kelgenine óte qýanyshtymyz. 5-10 jyl ótkennen keıin saılaý kúni shańyraq kótergen edik dep eske alyp otyratyn shyǵarmyz. Referendýmda daýys berý — Qazaqstanda turatyn árbir azamattyń mindetti, paryzy dep esepteımin. Sebebi, bizdiń memleketimizdiń bolashaǵy, - deıdi jas jubaılar.

Esterińizge sala keteıik, búgin qalada 130 saılaý ýchaskesi jumys isteıdi. Onyń ishinde — 14 jabyq saılaý ýchaskesi.

Jabyq saılaý ýchaskeleri — qandaı da bir sebeptermen jalpy saılaý ýchaskelerine kele almaıtyn jáne áskerı bólimderde, aýrýhanalarda, quqyq qorǵaý organdarynyń mekemelerindegi jáne t. b. azamattar úshin jumys isteıdi.

Jalpy Oral qalasyndaǵy saılaýshylar tizimine 444 428 myńnan astam adam engizilgen.

Eske sala keteıik, Batys Qazaqstan oblysynda 510 referendým komıssııasy, onyń ishinde 14 aýmaqtyq referendým komıssııasy 496 ýchaskelik komıssııa jumys jasap jatyr. Konstıtýtsııalyq zań aıasynda qabyldanǵan sheshimderine sáıkes, daýys berý tańǵy saǵat 07.00-de bastaldy. Batys Qazaqstan oblysynda barlyǵy 496 ýchaske jumys jasap jatyr.