Referendým eń aldymen jastarǵa kerek - Murat Jurynov
10:53, 05 Maýsym 2022
ALMATY. QazAqparat – Referendým ýchaskesine kelip, tańdaýyn jasaǵan QR Ulttyq ǵylym akademııasynyń prezıdenti Murat Jurynov saıası naýqan týraly oı bólisti, dep habarlaıdy QazAqparat tilshisi.
«Referendým - eń aldymen jastarǵa kerek, ótip bara jatqan býynǵa emes. Bolashaq qandaı bolady? Referendýmǵa baılanysty. Daýys berý – árbir azamattyń basty mindeti, boryshy. Sondyqtan, men de daýys berýge keldim», - dedi Murat Jurynov.
Aıta ketsek, Almatyda 1,1 mln astam adam daýys berýge quqyly. Megapolıste 574 referendým ýchaskesi ashyq. Referendým ýchaskesine alǵashqylardyń biri bolyp Almaty qalasynyń ákimi Erbolat Dosaev jubaıymen birge keldi. Olar Mánshúk Mámetova atyndaǵy №28 mektep-lıtseıde ornalasqan №358 referendým ýchaskesinde daýys berdi.