Referendým elimizdegi demokratııalyq dástúrlerdi bekitý jolyndaǵy mańyzdy qadamǵa aınalady – QR Prezıdenti
«Qazaqstanda Konstıtýtsııany ózgertý jónindegi jalpyulttyq referendým alǵash ret ótedi. Bul oqıǵa elimizdegi demokratııalyq dástúrlerdi bekitý jolyndaǵy mańyzdy qadamǵa aınalady. Elimizdiń azamattary konstıtýtsııalyq ózgeristerdiń mán-mańyzyn jalpy túsinedi», - dedi QR Prezıdenti Ulttyq ǵylym akademııasynyń 75 jyldyǵyna arnalǵan saltanatty sessııada sóılegen sózinde.
Memleket basshysynyń atap ótýinshe, referendýmǵa elimizde de, shetelde de qyzyǵýshylyq joǵary. Bul qoǵamdyq-saıası ózgeristerge degen áleýmettik suranystyń joǵary ekendigin, adamdar aldaǵy ózgeristerge shynaıy senetindigin bildiredi.
«Bul – zańdylyq. Óıtkeni, reforma jekelegen tulǵalardyń, onyń ishinde Prezıdenttiń artyqshylyǵyn ulǵaıtý úshin emes, búkil qoǵamnyń múddesine oraı ótkiziledi. Maǵan eldiń ishinde jáne shetelden «is basyndaǵy Memleket basshysy referendým arqyly óz ókilettigi merzimin uzartpaq pa? ıAǵnı, prezıdenttik merzimin jańadan qaıta bastamaq pa?» degen suraqtar qoıyldy. Jaýap beremin: Mundaı nıet bolǵan joq jáne bolmaıdy da. Usynylǵan saıası jańǵyrý baǵdarlamasy mazmuny jaǵynan óte aýqymdy. Negizgi basymdyq azamattardyń quqyqtary men bostandyqtar qorǵaý júıesin kúsheıtýge, azamattardyń memleketti basqarýǵa qatysýyn keńeıtýge, bılik ınstıtýttarynyń transparenttiligi men tıimdiligin kóterýge jasalǵan», - dedi Qasym-Jomart Toqaev.