Referendým: 33 myńǵa jýyq polıtsııa qyzmetkeri men áskerıler kezekshilik etip jatyr

<p>ASTANA. KAZINFORM &ndash; Referendýmda 33 myńǵa jýyq polıtsııa qyzmetkeri men Ulttyq ulannyń áskerı qyzmetshileri qoǵamdyq tártipti saqtaýda. Bul týraly QR ІІM resmı ókili Shyńǵys Álekeshev aıtyp berdi.&nbsp;</p>

Іshki ister organdarynyń jeke quramy qyzmet ótkerýdiń kúsheıtilgen nusqasyna aýystyryldy. Basshy jáne komandalyq quram táýlik boıy kezekshilik etýde.

«Elimizde 33 myńǵa jýyq polıtsııa qyzmetkeri men Ulttyq ulannyń áskerı qyzmetshileri qoǵamdyq tártipti saqtaýda. Onyń ishinde 18 myń polıtsııa qyzmetkeri on myńnan astam referendým ýchaskesinde qyzmet atqarýda. Qazirgi ýaqytta qoǵamdyq tártiptiń buzylý faktileri tirkelgen joq», - dedi Sh. Álekeshev Ortalyq kommýnıkatsııalar qyzmetinde. 

Onyń aıtýynsha, memlekettik organdarmen birlesip, referendým ýchaskelerinde aldyn ala komıssııalyq tekserýler júrgizildi. Olardyń tehnıkalyq talaptarǵa sáıkestigi, órtke qarsy qaýipsizdigi jáne terrorızmge qarsy qorǵalýy qaraldy.

«Qazaqstan Respýblıkasyndaǵy saılaý týraly» Konstıtýtsııalyq zańǵa sáıkes polıtsııa qyzmetkerleriniń referendým ótkizý protsesine aralasýǵa, sondaı-aq, daýys berýge arnalǵan úı-jaılarda bolýǵa quqyǵy joq. Olar daýys berý zalyna komıssııa tóraǵasynyń shaqyrýymen ǵana keledi. Azamattar saılaý jáne respýblıkalyq referendým týraly zańnamanyń buzylýy týraly ótinish túsirgen jaǵdaıda Іshki ister organdarynyń kezekshi bólimine aqparat jiberip, prokýratýra organdaryn habardar etedi», - dep túsindirdi mınıstrlik ókili. 

Qoǵamdyq tártip buzylǵan jaǵdaıda ishki ister organdarynyń kezekshi bólimderine nemese «102» arnasyna habarlaý qajet.