Referendým-2024: Aqtóbe oblysynyń ákimi Ashat Shaharov daýys berdi

<p>AQTÓBE. KAZINFORM &ndash; Búgin Aqtóbe óńiriniń basshysy Ashat Shaharov oblys ortalyǵyndaǵy Uzaqbaı Qulymbetov atyndaǵy №64 orta mektepte ornalasqan №541 ýchaskesine baryp, referendýmda daýys berdi.</p>

«Búgingi referendýmǵa qatysty óz quqyǵymdy paıdalana otyryp, daýys berdim. 18 jasqa tolǵannan keıin eń birinshi ret daýys bergenim este. Sodan beri elimizdegi eshbir saıası naýqandy jibergen emespin. Árdaıym belsendilik kórsetý, óz quqyn paıdalaný, eldegi bolyp jatqan jaǵdaılarǵa etene aralasý — ár adamnyń quqyǵy jáne boryshy», — dep atap ótti oblys ákimi.

Sodan soń, Ashat Shaharov mektep aýlasynda uıymdastyrylǵan aýyl sharýashylyǵy jármeńkesin aralap kórdi.

Foto: Aqtóbe oblystyq ákimdigi

Mundaı shara Aqtóbedegi 5 referendým ýchaskesinde ótýde: Saryjaılaý kóshesi, 20 B; Sáńkibaı batyr dańǵyly, 145 B; Týrgenev kóshesi, 70 A; Táýelsizdik dańǵyly, 4 A jáne 12 shaǵyn aýdan 37/1.

Jármeńkede Aqtóbe qalasy men Mártók aýdanynyń óndirýshileri taýarlaryn usynǵan. Aýyl sharýashylyǵy ónimderi — kókónister, jemister, et, túrli nan-toqash, Mártók baly jáne t. b. ónimderin naryqtyq baǵadan tómen satyp alýǵa bolady.

Foto: Aqtóbe oblystyq ákimdigi

Aıta keteıik, aımaqta 569 845 saılaýshy bar. Olar 530 ýchaskede daýys beredi. Saılaý ýchaskeleri tańǵy saǵat 7.00-den keshki 20.00-ge deıin jumys isteıdi.