Retsessııaǵa baılanysty munaı baǵasy 3 paıyzǵa arzandady

AMMAN. QazAqparat – Sársenbide munaı baǵasy ınvestorlardyń álemdik ekonomıkanyń álsireýine, sonyń ishinde qarjy retteýshileriniń paıyzdyq mólsherlemeni kóterýine jáne Qytaıdaǵy koronavırýs shekteýlerdiń kúsheıýine baılanysty odan saıyn tómendedi, dep habarlaıdy QazAqparat Reuters agenttigine silteme jasap.

Sársenbide Brent markaly munaıdyń qazanda jetkiziletin fıýchersteri bir barrel úshin 3,56 dollarǵa, ıaǵnı 95,75 dollarǵa deıin arzandady.

Bir kún buryn bul markanyń baǵasy 5,78 dollarǵa tómendegen edi.

Bul rette qarasha aıyndaǵy neǵurlym belsendi fıýchers 2,70 dollarǵa nemese 2,76 paıyzǵa tómendep, barreline 95,14 dollardy quraǵan bolaty.

West Texas Intermediate (WTI) amerıkalyq munaı fıýchersteri retsessııa qaýpinen týyndaǵan aldyńǵy sessııada Grınvıch ýaqyty boıynsha 09:39-da (Nur-Sultan ýaqyty boıynsha 15.39) 5,37 dollarǵa tómendegennen keıin barreline 2,58 dollar nemese 2,82%-ǵa arzandap, barreline 89,06 dollarǵa deıin tómendedi.

Baǵanyń tómendeý sebepteri jahandyq quldyraý qaýpine baılanysty, óıtkeni ortalyq bankter paıyzdyq mólsherlemeni agressıvti túrde kóterip jatyr.

Qytaıdyń óndiristik belsendiligi tamyz aıynda quldyraýyn jalǵastyrdy.

Ol COVID-19 juqtyrýdyń jańa jaǵdaılary, sońǵy onjyldyqtardaǵy eń kúshti aptap ystyq jáne jyljymaıtyn múlik daǵdarysyna baılanysty.

Bul faktorlar óndiriske áser etti, bul el ekonomıkasy qarqynyn saqtaý úshin kúresýge týra keledi degendi bildiredi.

Qytaıdyń Shenchjennen Dalıanǵa deıingi keıbir iri qalalary COVID-19 indetin boldyrmaý úshin shekteýler engizip, kásiporyndardy jaýyp jatyr, bul ósý qarqynynyń tómendeýine ákeledi.

Foto: reuters.com