RealMadrid Foundation jattyqtyrýshylary almatylyq balalarǵa fýtbol kýrsyn ótkizedi
«Biz Real fýtbol klýbynyń qundylyqtaryn sport jáne bilim arqyly pash etýge tyrysamyz. Balalardy jaýapty bolýǵa, ózara syılastyqqa jáne ujymdyq jumysqa úıretemiz. Bul olarǵa bolashaqta tabysqa jetýge múmkindik beredi. ıAǵnı, bul jankúıerler tarapynan klýbqa kórsetilip jatqan qoldaýlardyń ótemi», - dedi búgin baspasóz máslıhaty barysynda RealMadrid Foundation qory kýrstary men jazǵy lagerleriniń dırektory Andres Mýntaner.
Ol sonymenı qatar, bul jobanyń salamatty ómir saltyn nasıhattaýǵa jáne jas urpaqtyń fýtbolǵa degen qyzyǵýshylyǵyn oıatýǵa baǵyttalǵandyǵyn atap ótti.
«Kýrstar eki top boıynsha júrgiziledi. Ár topqa belgilengen ýaqyt - 5 kún. Árbir sabaq 2 saǵatqa sozylady. Osy ýaqyt ishinde bapkerler balalarǵa Real fýtbol komandasynyń qalaı jattyǵatynyn aıtady, oıyn órnegimen tanystyrady jáne óz qupııalarymyn bólisedi. Bul, oıyn barysynda eń utymdy sheshim qabyldaýǵa úıretetin serpindi baǵdarlama», - dedi qordyń tehnıkalyq dırektory Pablo Gomes.
Osy jobanyń teń uıymdastyrýshysy - Sport Events Managemen kompanııasy ókiliniń aıtýynsha, bul áleýmettik baǵyttaǵy joba, óıtkeni osy sharany ótkizýden túsken aqsha (shyǵyndar alynyp tastalǵannan qalǵan aqsha) osy óńirde oqytý jáne qaıyrymdylyq jobalardy júzege asyrýǵa jumsalady.
Odan basqa, mektep-ınternettar men balalar úıiniń tárbıelenýshilerine de osy jobaǵa qatysýǵa múmkindik beriledi.
«Qazir qalada fýtbolmen aınalysqysy keletin balalar kóp. Sondyqtan mundaı aýqymdy jobalar olardy fýtbolmen aınalysýǵa yntalandyra túsedi. Osyndaı ataqty klýbtyń tarıhymen, oıyn órnegimen tanysqan olar, bolashaqta tanymal fýtbolshy bolýy múmkin», - dedi Almaty qalalyq fýtbol federatsııasynyń vıtse-prezıdenti Vladımır Ahýnov.
Aıta ketelik, kýrstar «Mıras» halyqaralyq mektebiniń stadıonynda ótedi.