Readmıssııa: Qazaqstan men Estonııa zań buzǵan azamattardy jaýapqa tartpaýǵa kelisti

<p>Búgin Májilistiń jalpy otyrysynda &laquo;Qazaqstan Úkimeti men Estonııa Úkimeti arasyndaǵy adamdardyń readmıssııasy týraly kelisimdi ratıfıkatsııalaý týraly&raquo; Zańy qabyldandy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Kelisimge Astana qalasynda 2022 jyly 15 jeltoqsanda qol qoıylǵan bolatyn. Qujat eki eldiń quzyretti organdarynyń readmıssııa máseleleri boıynsha yntymaqtastyǵyn quqyqtyq turǵyda retteıdi.

«Kelisim el aýmaǵynda bolýy tártibin buzǵan adamdardy qaıtarý tártibin retteıdi. Kelisim bizdiń azamattardy jaýapkershilikke tartpaı, kirýge tyıym salǵyzbaı tıisti talaptar boıynsha qaıtarýǵa múmkindik beredi», - dedi Іshki ister mınıstri Erjan Sádenov.

Sonymen qatar sol memlekettiń quzyretti organdary Qazaqstan azamatyna elge oralýǵa qajetti qujattardy rásimdeýge kómektesedi. Kelisimmen quzyrly organdar retinde Qazaqstan jaǵynan – Іshki ister mınıstrligi, al Estonııadan Polıtsııa jáne shekarany qorǵaý departamenti bekitildi.

«Kelisimdi ratıfıkatsııalaý Eýropa memleketterimen ózara yntymaqtastyqty nyǵaıtýda jańa serpin beredi. Osyndaı kelisimderge qol qoıý bizdiń azamattarymyz úshin vızalyq tártipti ońaılatýǵa múmkindik týǵyzady. Atalǵan qadamdar qazan aıynda Brıýssel qalasynda áriptestermen kelisilgen bolatyn. Kelisim halyqaralyq tájirıbeni eskere otyryp ázirlendi. Osy Kelisim zańsyz kóshi-qonǵa qarsy kúres júrgizýge múmkindik beredi», - dedi mınıstr.