RBK men Qazaq banki birigýi múmkin

ASTANA. QazAqparat - «Bank RBK» banki» AQ  jáne «Qazaq Banki» AQ birigýge nıetti ekendigin bildirdi, dep habarlaıdy «QazAqparat» HAA.

Habarlamada «Bank RBK» AQ jáne «Qazaq Banki» AQ aktsıonerleri eki qarjy ınstıtýtynyń birigýi jaıly kelissózder júrgizip jatqany aıtylǵan. «Aldaǵy ýaqytta eki bank arasyndaǵy ózara túsinýshilik boıynsha memorandýmǵa qol qoıylady dep kútilýde», - delingen.

«Bank RBK» banki» AQ baspasóz qyzmeti memorandýmnyń negizgi tártipteri QR Ulttyq bankimen maquldanǵandyǵyn habarlaıdy. Birikken qarjy ınstıtýty Bank RBK ataýymen jumys isteıdi. Kezeńdik birigýdiń jol kartasy negizinde jasalǵan boljam boıynsha, jańa qurylymnyń iri baqylaýshysy Vladımır Kım bolady.