RBK Bank isi boıynsha halyqaralyq izdeýde júrgen kúdikti Reseıden ustaldy
11:30, 10 Jeltoqsan 2021
NUR-SULTAN. QazAqparat - RBK Bank isi boıynsha izdeýdegi azamat Máskeý oblysynan ustaldy, dep habarlaıdy QazAqparat Qarjy monıtorıngi agenttigine silteme jasap.
Máskeý oblysynda agenttiktiń Almaty qalasy boıynsha aýmaqtyq departamenti izdestirip jatqan V.Vlasov ustaldy.
Oǵan qatysty «Bank RBK» AQ-nyń 15 mıllıon AQSh dollary mólsherindegi kredıttik qarajatyn jymqyrý faktisi boıynsha qylmystyq is tergelip jatyr.
Qylmystyq qýdalaýdan jasyrynyp júrgen V. Vlasov 2018 jyldan bastap halyqaralyq izdeýde bolatyn.
Qazirgi ýaqytta ony Máskeý oblysynyń ishki ister organdary qamaýǵa aldy. Ony Qazaqstan Respýblıkasyna ekstradıtsııalaý máselesi sheshilipm jatyr.