Ravıl ıÝnýsov: Pandemııa bastalǵaly vırýspen damylsyz kúresken dárigerlerge myń alǵys

ÓSKEMEN. QazAqparat – «Assambleıa jastary» birlestigi Shyǵys Qazaqstan oblystyq fılıalynyń jetekshisi Ravıl ıÝnýsov Alǵys aıtý kúninde medıtsına qyzmetkerlerine rızashylyǵyn jetkizdi, dep habarlaıdy QazAqparat tilshisi.

«Medıtsına qyzmetkerleri koronavırýspen kúreste aldyńǵy shepte júr. Olar pandemııa bastalǵaly beri halyqtyń densaýlyǵy úshin aıanbaı eńbek etýde. Talaı adamnyń janyn ajaldan arashap qaldy. Dárigerlerdiń osyndaı erlikterin eleýsiz qaldyrýǵa bolmaıdy. Aq halatty abzal jandar qandaı da bolsyn qurmetke laıyq! Sizderge Alǵys aıtý kúninde shynaıy rızashylyǵymdy jetkizemin», - dedi Ravıl ıÝnýsov.

Óz sózinde ol «Assambleıa jastary» birlestigi músheleriniń Óskemen qalasyndaǵy 1-shi qalalyq aýrýhananyń jansaqtaý bólimshesiniń dárigerlerine tosynsyı jasaǵanyn jetkizdi.

«Búgingi merekege oraı medıtsına qyzmetkerlerine tátti-dámdi salynǵan syılyqtar berdik. Densaýlyq kúzetinde kúni-túni ter tógip, aýyr jumystan sharshaıtyn dárigerlerge qýanysh syılaǵymyz keldi», - dedi birlestiktiń Shyǵys Qazaqstan oblystyq fılıalynyń jetekshisi.