Raýshan Qajybaevanyń ýkraınalyq jýrnalıst Dmıtrıı Gordonmen qurǵan suhbaty jarııalandy

NUR-SULTAN. QazAqparat – QR Prezıdenti Teleradıokesheniniń bas dırektory Raýshan Qajybaevanyń ýkraınalyq tanymal jýrnalıst Dmıtrıı Gordonmen suhbaty jarııalandy, dep habarlaıdy QazAqparat tilshisi.

Suhbat barysynda Dmıtrıı Gordon jalpy jýrnalıstıkanyń keleshegi, tanymal tulǵalarmen suhbat qurýdyń qyr-syry, urpaq sabaqtastyǵy, burynǵy býyn men búgingi býynnyń kózqarasy týraly oı bólisti. Sondaı-aq álemniń túkpir-túkpirinde oqyp júrgen qazaqstandyq jastarǵa erekshe tamsanatynyn atap ótti.

«Soǵys jyldaryndaǵy Qazaqstandaǵy halyqtyń óziniń jaǵdaıy jaqsy emes edi. Biraq sonaý qıyn-qystaý kezeńde olar qanshama halyqqa qorǵan bolyp, úıine kirgizip, aman alyp qaldy. Meniń ájem men ákem de soǵys kezinde Almatyda bolypty. Sol jyldary Qazaqstan kóptegen ýkraınalyqty panalatty. Almatynyń aport almasy men jergilikti halyqtyń meıirimdiligi ákemniń esinde erekshe saqtalyp qalǵan eken. Mine eki eldiń arasyndaǵy genetıkalyq sıpatqa ıe baılanys degen osy. Men de, meniń balalarym da bul jaqsylyqty biledi», - deıdi ýkraınalyq jýrnalıst «SOL» atty avtorlyq baǵdarlamada.

Suhbattyń tolyq nusqasyn myna siltemeden kórýge bolady.