Raýan Kenjehanuly: Memleket basshysy keńes múshelerinen túsken usynystardy qoldady
Onyń aıtýynsha, búgingi ótken keńeste bilim berý júıesine erekshe basymdyq berildi. Bul salany odan ári jan-jaqty damytý máseleleri talqylanyp naqty usynystar aıtyldy.
«Bilim berý salasyndaǵy kóp máseleler qarjylandyrýǵa baılanysty ekeni anyq. Eń ozyq 10 eldiń qarajaty men bizdiń bıýdjetti salystyrǵanda 10 ese alshaqtyq baıqalady. Naqty mysaldardy Prezıdenttiń ózi keltirdi jáne úkimet pen bilim mınıstrligine tapsyrma berdi. Bolashaqta osy máseleni kezeń-kezeńmen oryndaýdy tapsyrdy. Bul bilim salasynyń damýyna, muǵalimder men jastardyń bolashaǵyna qoldaý bolyp tabylady. Qazaqstannyń damyǵan memleketter qatarynan oryn alýyna eshteńe kedergi bolmaýy tıis. Ásirese, bilim berý jaǵynan»,– deıdi Raýan Kenjehanuly.
Sonymen qatar, ol Memleket basshysy keńes múshelerinen túsken usynystardy da qoldaǵanyn tilge tıek etti.
«Máselen, qashyqtan oqytýǵa baılanysty tehnologııalardy keńinen engizý máselesi qoldaý tapty. Árıne, bir keńespen nemese bir jıynmen máseleniń bárin sheship tastaý múmkin emes. Eń mańyzdysy bul protsess jandandy. Men osy salamen aınalysyp júrgen maman jáne keńes múshesi retinde búgingi ótken jıynnyń sheshimderimen kelisemin»,– dep túıindedi Ulttyq qoǵamdyq senim keńesiniń múshesi Raýan Kenjehanuly.
Aıta keteıik, Raýan Kenjehanuly Ulttyq keńes otyrysynda balalar arasyndaǵy sýıtsıd máselesin kóterdi.
Sonymen qatar, ol Qazaqstan mektepterin bir aýysymda oqý rejımine kóshirý joldaryn atady.
Búgin QR Prezıdenti Qasym-Jomart Toqaevtyń tóraǵalyǵymen Ulttyq qoǵamdyq senim keńesiniń úshinshi otyrysy ótti. Kezekti otyrys adamı kapıtaldy damytýǵa, atap aıtqanda, bilim berý, densaýlyq saqtaý máselelerine arnaldy.