Rano Ýmarova: Elbasy óte qaısar jáne kúshti adam
«Tuńǵysh Prezıdent Nursultan Ábishuly Nazarbaevtyń tezirek saýyǵyp ketýin tileımin. Elbasy óte qaısar jáne kúshti adam, bul aýrýdy da eńsererine senimdimin. Men oǵan zor densaýlyq pen uzaq ómir tileımin», - dedi Rano Ýmarova.
Sonymen birge, ánshi koronavırýs ınfektsııasyn juqtyrǵan barlyq qazaqstandyqtardyń saýyǵyp ketýin tiledi.
«Barlyq qazaqstandyqtarǵa zor densaýlyq, myqty ımmýnıtet pen jaqsy kóńil-kúı tileımin. Bul barlyq qıyndyqtardy jeńýge septigin tıgizedi. Jeke ózim árbir adamnyń saýyǵyp ketýin tileımin», - dedi ánshi.
Aıta keteıik, Elbasynyń baspasóz hatshysy Aıdos Úkibaı Qazaqstannyń Tuńǵysh Prezıdenti – Elbasy Nursultan Nazarbaevtyń Covid-19-ǵa tapsyrǵan synamasy oń nátıje kórsetkenin habarlaǵan edi. Qazirgi ýaqytta Nursultan Ábishuly ózin-ózi oqshaýlap, qashyqtan jumys isteýdi jalǵastyrýda.
Osy ýaqytqa deıin elimizdiń barlyq óńirlerinen jurtshylyq Elbasynyń saýlyǵyn tilep, izgi nıetterin bildirýde. Munan bólek, Reseı Prezıdenti Vladımır Pýtın , Túrkııa Respýblıkasynyń Prezıdenti Rejep Taııp Erdoǵan , Úndistannyń Premer-Mınıstri Narendra Modı , Ózbekstan Prezıdenti Shavkat Mırzıeev Qazaqstannyń Tuńǵysh Prezıdenti – Elbasy Nursultan Nazarbaevqa myqty densaýlyq pen tezirek saýyǵyp ketýin tilep jedelhat joldady.