Ramzan Qadyrov Shavkat Mırzıeevke eki asyl tuqymdy jylqy syılady

<p>ASTANA. KAZINFORM &ndash; Sheshenstan basshysy Ramzan Qadyrov Ózbekstan prezıdenti Shavkat Mırzıeevke týǵan kúninde eki asyl tuqymdy jylqy syılady. Bul týraly ol óziniń <a href="https://t.me/RKadyrov_95/4956" target="_blank" rel="noopener">Telegram</a> kanalynda jazdy.</p>

– Búgin Groznyıda men «Ahmat» Azııa jekpe-jek lıgasynyń prezıdenti Nádir Qadyrovqa eki asyl tuqymdy jylqyny tapsyrdym. Bul taǵy bir úlken aǵamyz Ózbekstan Respýblıkasynyń Prezıdenti Shavkat Mırzıeevtiń týǵan kúnine arnalǵan syılyq. Onyń osy asyl jan-janýarlarǵa degen súıispenshiligin bile otyryp, men syılyqtyń baǵalanatynyna senimdimin. Jylqylar jas bolsa da, túrli jarystarda ózin jaqsy jaǵynan kórsetti, – dep jazady Qadyrov.

Sondaı-aq, Sheshenstan basshysy Shavkat Mırzıeev pen Ózbekstan halqyna izgi tilekterin joldaǵan. Ol Sheshenstan Respýblıkasy aımaqtar arasynda berik baýyrlastyq baılanystardyń ornaǵanyn joǵary baǵalaıtynyn jáne maqtan tutatynyn, sózsiz, buǵan Shavkat Mırzıeevtiń jeke ózi úlken úles qosqanyn atap ótti.