Rámizderimizge qurmet sezimin qalyptastyrýdaǵy jumystardy júıeli júrgizý qajet - Memhatshy
«Memlekettik rámizder men vedomstvolyq jáne olarǵa teńestirilgen ózge de nagradalar geraldıkasy máseleleri jónindegi respýblıkalyq komıssııa ózine júktelgen salanyń jumysyn úılestiretin basty memlekettik ári qoǵamdyq ınstıtýt retinde tıimdi ister atqaryp jatyr. Osyǵan deıin oryndalǵan jumystardyń nátıjesi kórsetip otyrǵandaı, salada belgili rettilik qalyptasty», - dep atap ótti otyrysty ashqan Memlekettik hatshy.
Osy rette ol azamattardyń memlekettik rámizderge degen qurmet sezimin qalyptastyrý baǵytynda aqparattyq túsindirý jumystaryn júıeli túrde ilgeriletý, patrıottyq tárbıeniń rólin ásirese jastar arasynda odan ary jalǵastyrý qajettigine basa nazar aýdartty.
«Elbasy Nursultan Nazarbaev taıaýdaǵy Joldaýynda: «Árbir qazaqstandyq júrgizilip jatqan reformalardyń mánin, olardyń Otanymyzdy órkendetý jolyndaǵy mańyzyn jete túsinýi tıis. Reformalardy tabysty júzege asyrý úshin qoǵamymyzdyń ortaq maqsatqa jumylýy asa mańyzdy» dep atap ótken bolatyn. Ol - Qazaqstan azamattarynyń el men jerge, Otanǵa degen qurmetiniń artýy, Táýelsizdigimizdiń nyǵaıýyna yqpal etýi», - dedi Gúlshara Ábdiqalyqova.
Otyrysta QR Joǵarǵy sotynyń, Jambyl, Almaty, Pavlodar oblystary ákimdikteriniń memlekettik rámizderdi nasıhattaý baǵytynda atqaryp jatqan jumystarynyń nátıjesi tyńdaldy. Sonymen qatar Investıtsııalar jáne damý, Mádenıet jáne sport mınıstrlikteriniń vedomstvolyq nagradalardy bekitý týraly usynystary qaraldy.