Ramesh Djaýra: QazAqparat – tarıh kýágeri
«Qymbatty «QazAqparat» Halyqaralyq aqparat agenttigindegi dostar men áriptester! Men, Ramesh Djaýra – IDN-InDepthNews jetekshi aqparattyq agenttik bolyp tabylatyn kommertsııalyq emes Halyqaralyq Sındıkattyń bas dırektory jáne bas redaktorymyn.
Sizderdiń júz jyldyqtaryńyzdy atap ótýge vırtýaldy túrde bolsa da qatysqanyma óte qýanyshtymyn jáne sizderge taǵy da jemisti 100 jyl tileımin. Aldaǵy kúnderi sizder 100 jyldyq mereıtoılaryńyzdy atap ótesizder. 100 jyl, tutas bir ǵasyr - bul adamnyń ómiri sekildi uıym ǵumyryndaǵyndaı uzaq ýaqyt», - delingen Ramesh Djaýranyń uqttyqtaýynda
Onyń aıtýynsha, QazAqparat Qazaqstan sııaqty Birinshi dúnıejúzilik soǵystan keıingi tarıhtyń kýágeri bolǵan.
«Qazaqstan 1920 jyly KSRO-nyń derbes Respýblıkasyna, 16 jyldan keıin, 1936 jyly Qazaqstan KSRO-nyń tolyqqandy odaqtyq Respýblıkasyna aınaldy.
1949 jyly Ekinshi dúnıejúzilik soǵystan tórt jyl ótkennen keıin Shyǵys Qazaqstandaǵy Semeı ıadrolyq polıgonynda alǵashqy ıadrolyq synaq jarylysy boldy.
Alǵashqy basqarylatyn ǵarysh kemesi 1961 jyly Qazaqstannyń ońtústigindegi Baıqońyr ǵarysh aılaǵynan ushyryldy.
1991 jyly tamyzda Prezıdent Nazarbaev batyl tarıhı akt jasap, Semeı ıadrolyq polıgonyn jabý týraly jarlyqqa qol qoıdy.
Sodan beri sizdiń elińiz ben uıymyńyz ıadrolyq jáne basqa da jappaı qyryp-joıatyn qarý-jaraqtan azat álem qurýǵa óz úlesin qosyp, halyqaralyq beıbitshilik pen qaýipsizdiktiń jaqtaýshylary boldy.
Men buǵan sońǵy jyldary Qazaqstanǵa jasaǵan saparlar kezinde kóz jetkizdim», - deıdi Ramesh Djaýra.
Ol Qazaqstanǵa saparlarynyń birinde «QazAqparattaǵy» áriptestermen jáne Halyqaralyq aqparat agenttiginiń basqarma tóraǵasy Asqar Ýmarov myrzamen kezdeskenin aıtyp ótti.
«COVID-19 pandemııasy jáne ıadrolyq qarý jarysynyń qaıta bastalýy halyqaralyq beıbitshilik pen adam qaýipsizdigine qaýip tóndiredi.
Bul senimdi aqparat usyný úshin bizdiń jumysymyzda áli de úlken qashyqtyqty eńserý kerektigin jáne zardaby kóp bolǵan HH ǵasyrdaǵy apatty jaǵdaılardy boldyrmaý úshin qoldan kelgenniń bárin jasaý kerektigin bildiredi», - dedi Ramesh Djaýra.