Slovenııa chempıonatynyń 14-týrynda «Koper» óz alańynda «Bravo» klýbyn qabyldady, dep habarlaıdy Kazinform.
Bul match Qazaqstan ulttyq quramasynyń jartylaı qorǵaýshysy Ramazan Orazovtyń osy komanda sapynda alǵashqy golyn soǵýymen este qaldy.
R.Orazov birinshi taımnyń 33-mınýtynda esep ashty.
Ekinshi kezeń basynda Ramazan eskertý aldy. Budan keıin qarsylas komanda tarazy basyn teńestirdi. Esep – 1:1.
«Koper» klýby týrnır kestesinde ekinshi orynda keledi.
Budan buryn Ramazan Orazov «Koper» quramynda ótkizgen jeti matchta kózge túse almaǵan edi.
Aıta keteıik, 2024 jylǵy Eýropa chempıonatynyń irikteý týrnırinde H tobynda Qazaqstan men Slovenııa quramalary oınaıdy. 20 qarasha kúni irikteý kezeńi Slovenııa – Qazaqstan básekesimen qorytyndylanady. Qazirgi kezde Slovenııa men Danııada - 19, Qazaqstanda 15 upaı bar.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).