Ramazan aıynyń qarsańynda Abaı oblysynda jańa meshit ashyldy

SEMEI. QazAqparat – Semeı qalasynda Ramazan aıynyń qarsańynda jańa meshit ashyldy, dep habarlaıdy QazAqparat tilshisi.

Qala ákimdiginiń málimetine súıensek, Semeıdegi Vostochnyı kentinde Ábý-Bákir Syddyq atyndaǵy meshit ashyldy. Ashylý saltanatyna óńirdiń bas ımamy Asqar Ábitaıuly, oblys ákiminiń orynbasary Shalqar Baıbekov jáne qala ákimi Nurbol Nursaǵatov qatysty.

Munda bir mezgilde 100 adam qulshylyq jasaı alady. Munara bıiktigi – 15 metr bolsa, al kúmbeziniń dıametri – 4,5 metr, bıiktigi – 2,5 metrdi quraıdy. Meshitte Quran oqý bólmesi, erler jáne áıelderge arnalǵan namaz oqý zaldary jáne dárishana bólmeleri bar.

«Naýryz meıramynda jáne qasıetti Ramazan aıynyń qarsańynda esigin aıqara ashqan meshit qalamyzdyń kórkine kórik qosyp, dinaralyq jáne ultaralyq tatýlyqtyń ordasyna aınalady dep senemiz. Kent jamaǵatynyń talaı jyl kútken armany oryndaldy. Osymen Semeıdegi meshit sany 15-ke tolyqty, - dedi oblys ákiminiń orynbasary Shalqar Baıbekov.

Aıta keteıik, jańadan boı kótergen Ábý-Bákir Syddyq meshitiniń bas ımamy bolyp Aıdyn Júnisbekov taǵaıyndaldy.