Ramazan aıynda Túrkistandaǵy muqtaj otbasylarǵa 6 mln teńge kómek berildi

TÚRKІSTAN. QazAqparat – Ramazan aıynda Túrkistandaǵy jaǵdaıy tómen otbasylarǵa 6 mln teńge kóleminde qarjylaı kómek kórsetildi. Bul týraly Túrkistan qalasynyń bas ımamy Mýhamedjan Jýmadýllaev málimdedi, dep habarlaıdy QazAqparat tilshisi.

Ramazan aıynda Túrkistan qalasynda 562 otbasyǵa azyq-túlik úlestirilip, jaǵdaıy tómen otbasylarǵa 6 mln teńge kóleminde qarjylaı kómek kórsetildi. Sonymen qatar, 27 meshitte kúndelikti 100-150 adamǵa jomart jandardyń demeýshiligimen aýyzashar berildi.

Budan bólek, oblys ortalyǵynda «Ótkenge qurmet, tirige mindet» dep atalatyn shara aıasynda qaladaǵy barlyq mazarattarda tazalaý jumystary júrgizildi.

«Barsha musylman balasyn ulyq merekemiz – Oraza aıtpen shyn júrekten quttyqtaımyn! Oraza aıt – álem musylmandaryn birlikke, jaqsy isterdiń uıytqysy bolýǵa shaqyratyn meıram. Qasıetti ramazan aıynda ustaǵan 30 kún orazalaryńyz qabyl bolsyn!» - dedi Túrkistan qalasynyń bas ımamy óńirlik kommýnıkatsııalar qyzmetinde ótken brıfıngide.