Ramazan aıy adamdardy janashyrlyq pen meıirimdilikke úndeıdi – Asqar Mamın

NUR-SULTAN. QazAqparat - QR Premer-Mınıstri Asqar Mamın qazaqstandyqtardy qasıetti Ramazan aıynyń bastalýymen quttyqtady, dep habarlaıdy QazAqparat Úkimettiń resmı saıtyna silteme jasap.

«Qazaqstan musylmandaryn qasıetti Ramazan aıynyń bastalýymen quttyqtaımyn. Ramazan aıy adamdardy nıet tazalyǵyna, janashyrlyq pen meıirimdilikke, sabyrlylyq pen ózara túsinistikke, jaqyndaryna qamqorlyq jasaýǵa jáne muqtaj jandarǵa qol ushyn sozýǵa úndeıdi. Ramazan musylmandardyń ǵana emes, elimizdegi basqa din ókilderiniń de basyn biriktirip, Qazaqstan halqynyń dástúrli rýhanı qundylyqtaryn nyǵaıta túsedi. Barlyq qazaqstandyqtarǵa zor densaýlyq, tatýlyq jáne ıgilik tileımin. Jaratýshy jamaǵatynyń barlyq duǵalaryn qabyl etip, ıgi isteriniń saýabyn jazsyn!»,-delingen quttyqtaýda.