Rahym Oshaqbaev: Zeınetaqy jınaǵyna qatysty reformanyń nátıjesin kóretin ýaqyt keldi

NUR-SULTAN. QazAqparat - 2019 jyly zeınetaqy jınaǵyn paıdalanýǵa qatysty bastaý alǵan reforma bıyl júzege asyrylýy kerek. Búgin QR Prezıdenti Qasym-Jomart Toqaevtyń VII shaqyrylymyndaǵy Parlament sessııasynda sóılegen sózine qatysty «Talap» qoldanbaly zertteýler ortalyǵynyń dırektory Rahym Oshaqbaev osyndaı pikir bildirdi, dep habarlaıdy QazAqparat tilshisi.

«Memleket basshysy Qasym-Jomart Toqaev saıası reformalardyń úshinshi paketinde aıtylǵan bastamalardy qolǵa alyp, saıası júıeni transformatsııalaýdy jalǵastyrýda. Ol saıası partııalardyń Májiliske ótý shegin 7%-dan 5%-ǵa tómendetý kerektigin aıtty», - deıdi Rahym Oshaqbaev.

Onyń paıymdaýynsha, eldiń nazarynda bolatyn taǵy bir mańyzdy másele zeınetaqy jınaǵyn paıdalanýǵa qatysty. Bul – Memleket basshysynyń basqa reformasy. 2019 jyly bastaý alǵan reforma bıyl júzege asyrylýy kerek. Arada bir jarym jyl ótti, endi bul reformanyń qalaı júzege asatynyn, qaı jaǵynan tıimdi ekenin kóremiz. Dál osy reforma - eldiń nazarynda», - deıdi ol.