«Rahmet, Mbappe!»: Frantsýzdar Qatardan oralǵan fýtbolshylardy qoshemetpen qarsy aldy

ASTANA. QazAqparat – Parıjde 50 myń frantsýz jankúıeri Qatardan oralǵan fýtboldan ulttyq quramany qoshemetpen qarsy aldy. Kelisim alańyna jınalǵan jankúıerler álemniń vıtse-chempıony atanǵan komandany ystyq yqylaspen qarsy alyp, «Marselez» gımnin shyrqady, dep habarlaıdy QazAqparat Euronews saıtyna silteme jasap.

«Rahmet, Mbappe!», «Sender myqtysyńdar!», «Biz sendermen birgemiz!» - dedi jankúıerler. Jeltoqsannyń qolaısyz aýa raıyna qaramastan adamdar qaharmandaryn birneshe saǵat boıy kútip turdy. «Fınalda jeńilip qalsa da, keremet oınady. Biz olardyń utylǵanyna qaramastan quramaǵa qoldaý kórsetýge keldik», - dedi jankúıerler.

Qurama jattyqtyrýshysy Dıde Desham men onyń komandasy tanymal «Krııon» qonaqúıiniń balkonynan jankúıerlerge alǵys aıtty.

Fýtbolshylardyń kelýine oraı únemdeý rejımine qaramastan Eıfel munarasy jarqyrap turdy.

Aıta ketsek, Argentına quramasy Frantsııadan penaltıden basym túsip, óziniń tarıhynda úshinshi márte chempıondyq ataqqa qol jetkizdi.

Budan buryn 1998 jáne 2014 jyldarda 171 goldan soǵylǵan edi. Osylaısha bıyl atalǵan rekordqa túzetý engizildi.

Dúbirli dodada 8 golmen frantsýzdyq shabýylshy Kılıan Mbappe surmergender kóshinde birinshi oryn aldy.

Foto: euronews.com