Rahman Alshanov: Joldaýda aıqyn ári naqty máseleler kóterildi

ALMATY. QazAqparat –Qazaqstandyq ǵalym, qoǵam qaıratkeri, «Turan» ýnıversıtetiniń rektory, Almaty qalasy Qoǵamdyq keńesiniń tóraǵasy Rahman Alshanov Prezıdenttiń Qazaqstan halqyna Joldaýynda aıtylǵan mindetter týraly saraptamalyq pikirimen bólisti, dep habarlaıdy QazAqparat tilshisi.

«Jyl saıynǵy Joldaý bir jylǵa arnalǵan mindetterdi aıqyndaıdy. Prezıdent barlyq aspektilerge toqtalyp, bizdiń qalamyzǵa tikeleı qatysy bar el qyzmetiniń negizgi baǵyttaryn atap ótti. Birinshiden, shaǵyn jáne orta bıznesti, ásirese shaǵyn bıznesti qoldaý. Nelikten mundaı aıyrmashylyq bar deseńiz, óıtkeni shaǵyn bıznes bizdiń kiristerimizdiń negizgi kózi bolyp tabylady. Bul jaǵdaıda biz olarǵa jaǵdaı jasap, jyl sońyna deıin salyqtan bosatyp, olardyń memlekettik tapsyrystarǵa, tenderlerge qatysýyna jaǵdaı jasaýymyz kerek», - dedi Rahman Alshanov.

Rahman Alshanov mańyzdy reformalardyń ishinde, strategııalyq josparlaý jáne reformalar jónindegi agenttikti qaıta jańǵyrtý, agrarlyq sektor men óndiristi damytý máselelerin de atap ótti.

«Joldaý aıqyn jáne naqty boldy. Kóterilgen barlyq aspektiler ataýly boldy jáne olar kóptegen máselelerdi sheshýi tıis», - dep qorytyndylady R. Alshanov.