R4R reıtıngi: Golovkın úzdik úshtikten shyǵyp qaldy

ASTANA. QazAqparat - WBN portaly jarııalaǵan R4R reıtınginiń ekinshi ornyna birinshi aýyr salmaqta absolıýttik álem chempıony ýkraınalyq Aleksandr Ýsık jaıǵasty, dep habarlaıdy «SPORTINFORM» SAA.

Tizim basynda basqa bir ýkraınalyq boksshy Vasılıı Lomachenko tur. Atalǵan reıtıngtiń úzdikter úshtigin Danııar Eleýsinovtiń salmaq sanatyndaǵy chempıon Terens Kroýford túıindeıdi.

Al Qazaqstandyq bylǵary qolǵap sheberi Gennadıı Golovkın tórtinshi orynǵa syrǵydy. Al oǵan 15 qyrkúıekte qarsylas bolatyn Saýl Alvarestiń esimi tizimde joq.

1. Vasılıı Lomachenko (Ýkraına)
2. Aleksandr Ýsık (Ýkraına)
3. Terens Kroýford (AQSh)
4. Gennadıı Golovkın (Qazaqstan)
5. Maıkı Garsıa (AQSh)
6. Mennı Pakıao (Fılıppıny)
7. Naoıa Inoýe (Japonııa)
8. Entonı Djoshýa (Ulybrıtanııa)
9. Srısaket Sor Rýngvısaı (Taıland)
10. Leo Santa Krýs (Meksıka)

Eske sala keteıik, Aleksandr Ýsık jýyrda Golovkınniń jattyǵýdaǵy serigi Mýrat Gassıevti jeńip, absolıýttik álem chempıony atanǵan bolatyn. Danııar Eleýsinovtiń promoýteri Eddı Hırnniń aıtýynsha, ýkraınalyq boksshy qazir R4R reıtınginiń birinshi nómiri bolýǵa laıyqty.

Aıta keteıik, Gennadıı Golovkın men Saýl Alvarestiń qarymta jekpe-jeginiń bıletteri satylymǵa shyqty. Bıletterdiń quny 566 dollardan 52 000 dollarǵa deıingi aralyqta.