R4R reıtıngi: Eleýsinovtiń salmaǵyndaǵy Kroýford Golovkındi basyp ozdy

ASTANA. QazAqparat - ESPN nusqasy boıynsha R4R (barlyq salmaq dárejesinde) jańartylǵan reıtıngi shyqty, dep habarlaıdy  «SPORTINFORM» SAA.

Danııar Eleýsinovtiń salmaq dárejesinde bokstasatyn amerıkalyq Terens Kroýford WBO tıtýlyn ıelengennen keıin Gennadıı Golovkındi basyp ozyp, ekinshi orynǵa ornalasty.

Eske salaıyq, budan buryn Kroýford BoxRec nusqasy boıynsha P4P reıtınginde kósh bastap, dıvızıondaǵy barlyq belbeýdi jınaýdy maqsat etkenin málim etti.

Reıtıngte ýkraındyq chempıon Vasılıı Lomachenko kósh bastap tur. Dıskvalıfıkatsııasyn ótep jatqan Saýl Alvares reıtıngke enbegen:

1. Vasılıı Lomachenko

2. Terens Kroýford

3. Gennadıı Golovkın

4. Errol Spens-mladshıı

5. Maıkı Garsııa

6. Naoıa Inoýe

7. Srısaket Sor Rýngvısaı

8. Sergeı Kovalev

9. Deonteı Ýaılder

10. Entonı Djoshýa

Eske salaıyq, boks súıer qaýym kútip otyrǵan Gennadıı Golovkın men Saýl Alvarestiń jekpe-jegi 15 qyrkúıekte, Meksıkanyń Táýelsizdik kúni qarsańynda ótedi. Golovkın ekinshi aıqasta 40 mıllıonnan astam dollar tabys tabady dep boljanyp otyr.