Іri mólsherde esirtkini zańsyz saqtaǵan qos azamatqa qatysty alqabıler kesimi zańdy kúshine endi

<p>ASTANA. KAZINFORM &mdash; Búgin Astana qalalyq sotynyń qylmystyq ister jónindegi sot alqasy D. Muhambet pen I.Kúzembaevqa qatysty adamdar tobynda aldyn ala sóz baılasý arqyly ótkizý maqsatynda asa iri mólsherdegi esirtki zattaryn zańsyz saqtaý&nbsp;faktisi boıynsha qylmystyq ister jónindegi mamandandyrylǵan aýdanaralyq sotynyń 2024 jylǵy 18 maýsymdaǵy úkimin apellıatsııalyq tártipte qarady.</p>

Sot úkimimen D. Muhambet pen I.Kúzembaev atalǵan fakti boıynsha kináli dep tanylyp, árqaısysyna 10 jyl merzimge bas bostandyǵynan aıyrý jazasy taǵaıyndaldy.

«Birinshi saty sotymen D. Muhambet pen I.Kúzembaevtyń asa iri mólsherdegi salmaǵy 2261,65 gramm „keptirilgen marıhýana“ jáne asa iri mólsherdegi salmaǵy 381,96 gramm „kannabıs shaıyry“ esirtki zattaryn ótkizý maqsatynda zańsyz saqtaǵany anyqtalǵan», — delingen habarlamada.

Alaıda úkimge kelispegen advokattar men qorǵaýshylar shaǵym túsirgen. 

«Sot alqasy alqabıler quramyndaǵy sottyń sottalǵandardyń kinási týraly tujyrymdary istegi dáleldemelerdiń jıyntyǵy D. Muhambet pen I.Kúzembaevtyń qorǵaýǵa quqyǵy bar kýálar retinde bergen aıǵaqtarymen, kýálardyń aıǵaqtarymen, saraptama qorytyndylarymen, alý hattamalarymen, úıdi tintý hattamalarymen jáne qylmystyq is boıynsha ózge de materıaldarmen rastalǵan», - dep habarlady Astana qalalyq Qylmystyq ister jónindegi mamandandyrylǵan aýdanaralyq soty.

Sotqa deıingi tergep-tekserý jáne sotta sottalýshylardyń kinásiniń dáleldenbeýi jáne QPK-niń talaptaryn buzýshylyqtar týraly ótinishterdiń ýájderi rastalmady. Sottyń isti alqabıler quramynda qaraý tártibin buzý faktileri anyqtalǵan joq.

Alqabılerdiń qatysýymen shyǵarylǵan birinshi satydaǵy sot úkiminiń kúshin joıýǵa nemese ózgertýge negiz joq.

Sot úkimi zańdy kúshine endi.