R. Qurmanov Veterınarlyq baqylaý jáne qadaǵalaý komıtetiniń tóraǵasy bolyp taǵaıyndaldy - AShM

ASTANA. 5 qarasha. QazAqparat - Rústem Qurmanov QR Aýyl sharýashylyǵy mınıstrligi Veterınarlyq baqylaý jáne qadaǵalaý komıtetiniń tóraǵasy bolyp taǵaıyndaldy. Buǵan deıin R. Qurmanov mınıstrliktiń Investıtsııalyq saıasat departamentiniń dırektory qyzmetin atqarǵan. Bul týraly atalmysh vedomstvonyń baspasóz qyzmetinen habarlady.

Qurmanov Rústem Jomartuly 1981 jyly 17 shildede Soltústik Qazaqstan oblysynda dúnıege kelgen.

2003 jyly - «AÓK salalaryndaǵy ekonomıst-menedjer» mamandyǵy boıynsha Sh. Ýálıhanov atyndaǵy Kókshetaý memlekettik ýnıversıtetin úzdik bitirdi.

2003 - 2007 jj. - «Ekonomıka jáne halyq sharýashylyǵyn basqarý» mamandyǵy boıynsha aspırantýrada oqydy.

Ekonomıka ǵylymdarynyń kandıdaty.

Eńbek jolyn 2003 jyldyń mamyr aıynan memlekettik qyzmette bas maman laýazymynan bastady.

2009 - 2011 jj. - Aýyl sharýashylyǵy mınıstrligi Qaıta óndeý jáne agrarlyq azyq-túlik naryǵy departamenti Azyq-túlik naryǵy basqarmasynyń basshysy.

2011-2013 jj. - Aýyl sharýashylyǵy mınıstrligi Investıtsııalyq saıasat departamentiniń dırektory.

QR Prezıdenti N. Nazarbaevtyń qurmet gramotasymen jáne «Táýelsizdiktiń 20 jyldyǵy» mereıtoılyq medalimen marapattalǵan.