Іri kompanııadan 33 mln teńgeni alaıaqtyq jolmen zańsyz ıelengen azamat ustaldy

<p>Qyzylordalyq polıtseıler iri kompanııadan 33 mln teńgege jýyq aqshany alaıaqtyq jolmen zańsyz ıelengen azamatty quryqtady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qyzylorda oblysy Polıtsııa departamentiniń krımınaldyq polıtsııa basqarmasynyń qyzmetkerleri «Quqyqtyq tártip» jedel aldyn alý sharasy barysynda Atyraý qalasynda izdeýde júrgen 37 jastaǵy qyzylordalyqty qolǵa túsirdi.

«Oǵan qatysty QR Qylmystyq kodeksiniń 190-babynyń 4-bóligi (Asa iri mólsherde jasalǵan alaıaqtyq) boıynsha tergeý júrgizilip jatyr. Ol bıyl shilde aıynda alaıaqtyq jolmen iri kompanııadan 33 mıllıon teńgege jýyq aqshany zańsyz ıemdengen. Kúdiktige qatysty qamaýda ustaý túrindegi bultartpaý sharasy sanktsııalandy. Qazirgi ýaqytta ol ýaqytsha ustaý ızolıatoryna qamaldy», - dep málim etti Qyzylorda oblystyq polıtsııa departamentinen.

Eske salsaq, budan buryn Qyzylordada sıntetıkalyq esirtki saqtaǵan adam bas bostandyǵynan aıyryldy.