Іri kólemde esirtki saqtaǵan eki aqtóbelik sottaldy

<p>AQTÓBE. KAZINFORM &ndash; Aqtóbede biri 26, ekinshisi 23 keli marıhýana saqtaǵan eki sottalýshyǵa úkim shyqty. Sot Alqabılerdiń qatysýymen ótti.&nbsp;</p>

Aqtóbe oblystyq qylmystyq ister jónindegi mamandandyrylǵan aýdanaralyq sotynda Qylmystyq kodekstiń «Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» baby boıynsha is qaraldy. Oqıǵa byltyr qyrkúıek aıynda boldy.

Alǵashynda is Qylmystyq kodekstiń «Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý» baby boıynsha qaralyp, keıin qaıta ózgerdi. Sebebi Alqabıler taǵylǵan aıyppen kelispeı, is Qylmystyq kodekstiń 296-babynyń 4-bóligimen dárejelendi.

Іs materıalyna súıensek, sottalýshynyń biri 26,5 keli keptirilgen marıhýanany zańsyz ıemdenip, saqtap, Aqtóbe qalasynan Qandyaǵash qalasyna tasymaldaǵan. Al ekinshisi salmaǵy 23,5 keli bolatyn keptirilgen marıhýanany úıinde saqtaǵan.

Sotta sottalýshylar taǵylǵan aıypty ishinara moıyndap, ekeýi de uzaq ýaqyt boıy esirtki tutynatynyn aıtty. Memlekettik aıyptaýshy taǵylǵan aıypty tolyqtaı qoldap, olardy 14 jylǵa bas bostandyǵynan aıyrý jazasyn taǵaıyndaýdy surady. 

- Ustalǵan kezde sottalýshylardyń esirtki tutynǵany anyqtaldy. Sot Alqabıler sheshimi negizinde sottalýshy I-di Qylmystyq kodekstiń «Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» baby boıynsha kináli dep tanyp, oǵan 5 jyl merzimge bas bostandyǵynan aıyrý jazasyn taǵaıyndady. Sottalýshy K-ge 4 jyl 6 aı merzimge bas bostandyǵynan aıyrý jazasyn taǵaıyndady. Sot úkimi zańdy kúshine engen joq, - dep habarlady Aqtóbe oblystyq qylmystyq ister jónindegi mamandandyrylǵan aýdanaralyq sotynyń baspasóz qyzmeti.