100 mln-ǵa jýyq teńge alyp qashyp ketken qazaqstandyq Reseıden ekstradıtsııalandy

<p>ASTANA. KAZINFORM - Qazaqstan azamaty asa iri kólemde alaıaqtyq jasaǵany úshin qylmystyq jaýaptylyqqa tartý maqsatynda Reseı Federatsııasynan ekstradıtsııalandy. Bul týraly Bas prokýratýra habarlady.</p>

«Kúdikti 2019-2020 jyldar aralyǵynda kásipkerdi aldaý jáne senimine qııanat jasaý arqyly jalpy somasy 53 mıllıon teńge mólsherde arnaıy tehnıkany, sondaı-aq alaıaqqa tıesili kólikti 35 mıllıon teńgege satyp, iri kólemindegi qarajatty jymqyrǵan. Qylmys jasaǵannan keıin kúdikti qashyp ketken, sol sebepti ol halyqaralyq izdeýge jarııalanǵan», - delingen habarlamada.

Kúdikti osy jyldyń shilde aıynda Sankt-Peterbýrg qalasynda ustalǵan.

Qazaqstan Respýblıkasy Bas prokýratýrasynyń suraýy boıynsha ol elge ekstradıtsııalandy.

Qazirgi ýaqytta kúdikti Petropavl qalalyq tergeý ızolıatoryna qamaldy. Eger onyń qylmysy dáleldende 10 jylǵa deıin sottalady.