QR-men tólem jasaý Qazaqstandaǵy eń tanymal esep aıyrysý túrine aınaldy

<p>ASTANA. KAZINFORM &ndash; Qazaqstannyń qarjygerler qaýymdastyǵy QR-kodpen tólem jasaý alǵash ret POS-termınal arqyly esep aıyrysý kóleminen artqanyn málim etti.</p>

Naqty mánde QR-tólem kólemi 7,3 trln teńge, al POS-termınal arqyly tólem 7,2 trln teńge boldy. Sarapshylardyń paıymynsha, mundaı úrdis QR-kod arqyly tólem jasaýdyń qarapaıymdylyǵy, qolaılyǵy jáne únemdiligi úshin jalǵasa beredi. Degenmen, 2024 jylydń 1 shildesindegi derekke sáıkes, qazaqstandyqtardyń qolynda áli de 78,1 mln dana tólem kartasy bolýy yqtımal.

«Eń kóp taralǵany debet kartasy (80 paıyz), kredıt kartasynyń úlesi 16 paıyz bolsa, qalǵan 4 paıyzy –kredıttik lımıti jáne aldyn ala tólemi bar debet kartasy. Osylaısha, halyqtyń jan basyna 3,1 debet kartasynan (bir jyl buryn 2,8) jáne 0,6 kredıt kartasynan keledi», - delingen qaýymdastyq esebinde.

Esterińizge sala keteıik, barlyq bank úshin biryńǵaı QR-kod ulttyq júıesin 2025 jyly iske qosý josparlanǵan. Nátıjesinde el turǵyndary kez kelgen bank qosymshasymen kez kelgen QR-kod arqyly tólem jasaı alatyn bolady.