QR-kod kórsetilgen domofondy aýystyrý týraly habarlandyrý — Alaıaqtyqtyń jańa túri shyqty

ASTANA. QazAqparat - Polıtsııa SQO-da WhatsApp jelisinde tarap jatqan domofondy aýystyrý týraly habarlamaǵa qatysty túsinik berdi, dep habarlaıdy QR ІІM baspasóz qyzmeti.

Soltústik Qazaqstan oblysynda QR-kod kórsetilgen domofondy aýystyrý týraly habarlandyrýdyń fotosýreti tarap jatyr.

- Áleýmettik jelilerde jeli qoldanýshylary domofondy aýystyrý týraly basqarýshy kompanııalardyń biriniń habarlandyrýyn taratýda. Taratylyp jatqan habarlandyrý — jalǵan aqparat. Osy sııaqty habarlandyrýlarda kórsetiletin QR-kodtardy skanerlemeńizder jáne kúmándi siltemeler arqyly ótpeńizder. Adamdardan tek resmı aqparatqa senýdi ne bolmasa domofondy jóndeýmen aınalysatyn qyzmet kórsetýshi kompanııalaryna habarlasýyn suraımyz, — deıdi SQO PD Krımınaldyq polıtsııa basqarmasynyń bastyǵy Marat Jumalıev.

Aıta ketý qajet, osyǵan uqsas habarlandyrý sońǵy ýaqytta kórshi elderdegi jeli qoldanýshylarynyń arasynda, atap aıtqanda, reseılik pablıkterde jáne VKontakte jelisindegi qaýymdastyqtarda da belsendi taraýda.