QR arqyly baj tólegen qazaqstandyqtar 205 mln teńgesin únemdedi

NUR-SULTAN. QazAqparat –QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın barlyq BAJ-dardy QR arqyly tólemge ótkizýdi usyndy, dep habarlaıdy QazAqparat tilshisi.

«Biz Halyqqa qyzmet kórsetý ortalyqtarynda QR arqyly BAJ-dardy tóleý múmkindigin engizdik. Nátıjesinde, 5 aıda azamattardyń qarajaty 205 mln teńgege únemdeldi. Aıta keterlik jaıt, barlyq BAJ-dardy QR arqyly tóleýge ótkizgen jón. Óz kezeginde bul azamattardyń qarajatyn únemdeýmen qatar, kóleńkeli ekonomıkany joıýǵa taǵy bir qadam jasaýǵa múmkindik beredi», - dedi Baǵdat Mýsın Úkimettiń búgingi otyrysynda.

Sonymen birge, Memleket basshysynyń ıpoteka berý úshin tsıfrlyq platforma qurý jónindegi tapsyrmasy aıasynda ıpotekany rásimdeý protsesi de túbegeıli qaıta qaralǵan.

«Sonymen birge, Otbasy bank platformasy arqyly jalǵa beriletin páterler úshin memlekettik sýbsıdııaǵa 11 160 tapsyrys berilip, 6 myńnan astamy oń sheshim aldy. Blokcheın tehnologııalary esebinen kepildi tirkeý notarıýstarsyz jáne HQO-syz rásimdeýge bolady», - dedi Baǵdat Mýsın.