«Qnet» qarjy pıramıdasyn qurǵan kúdikti ustaldy

ASTANA. QazAqparat - Qarjy monıtorıngi agenttiginiń Astana qalasy boıynsha departamenti qala prokýratýrasymen birlesip «Qnet» qarjy pıramıdasyn qurý jáne basqarý faktisi boıynsha kúdiktini ustady. Bul kompanııa Astana men Aqmola oblysynyń aýmaǵynda 2020 jyldan bastap qazirgi ýaqytqa deıin jumys istegen, dep habarlaıdy QazAqparat atalǵan vedomstvonyń baspasóz qyzmetine silteme jasap.

Kúdikti jeke tulǵalardan tartylǵan qarajatty kásipkerlik qyzmetke paıdalanbaı, «Qnet» qarjy pıramıdasynyń qyzmetin uıymdastyrdy. Shema boıynsha eski salymshylardy jańa kelgenderdiń jarnalary esebinen qaıta bólý jáne baıytý arqyly júzege asyryldy.

«Qnet» halyqaralyq kompanııasynyń qyzmeti jelilik marketıng jáne elektrondyq kommertsııa qyzmeti túrinde jasyryldy.

Birqatar shet elderde «Qnet» kompanııasy qarjy pıramıdasy dep tanyldy, sondaı-aq ony QR Qarjy naryǵyn retteý jáne damytý agenttigi qarjy pıramıdasynyń belgileri bar kompanııalar tizimine engizdi.

Ókiletti organnyń qorytyndysyna sáıkes kompanııa salymshylarynan túsken túsim somasy 463 mln. teńgeni qurady.

Astana qalasynyń mamandandyrylǵan tergeý soty kúdiktige 2 aıǵa «qamaýda ustaý» sharasyna sanktsııa berdi.

QR QPK-niń 201-babyna sáıkes ózge de aqparat jarııa etýge jatpaıdy.