Qiwi plc Reseıdegi lıtsenzııasynan aıyrylǵannan keıin Qazaqstan men BAÁ-de bıznes bastamaq

<p>ASTANA. KAZINFORM &ndash; Qiwi plc reseılik bıznesin satý týraly kelisimge baılanysty 22,7 mıllıard rýbl shyǵynǵa ushyraýy múmkin. Osy sebepti kompanııa 14,4 mıllıard rýbli qunsyzdanǵanyn moıyndady. Reseıdegi lıtsenzııasynan aıyrylǵannan keıin kompanııa Qazaqstan men BAÁ-de bıznes bastaýǵa nıetti, dep jazady reseılik <a href="https://tass.ru/" target="_blank" rel="noopener">TASS</a> agenttigi.</p>

Qiwi tobynyń Reseı Federatsııasynan tys burynǵy aktıvterine ıelik etetin halyqaralyq Qiwi plc kompanııasy reseılik bıznesin satýyna baılanysty 2024 jyly 22,7 mıllıard rýbl shyǵynǵa ushyraýy múmkin. Bul týraly kompanııa óziniń aldyn ala boljamyna silteme jasap habarlady.

Sonymen qatar, Qiwi plc dál sol sebeppen 2023 jyly 14,4 mıllıard rýbliniń qunsyzdanǵanyn málimdedi. Biraq kompanııa áli de eki jyl boıy toqtatylǵan NASDAQ bırjasyndaǵy lıstıngke umtylady jáne AQSh Qarjy mınıstrliginiń sheteldik aktıvterdi baqylaý basqarmasy (OFAC) arqyly óz tarapynan buzýshylyqtardyń joqtyǵyn rastaýdy josparlap otyr.

Lıtsenzııasynan aıyrylǵan Kıvı-bankiniń jaǵdaıyna qatysty Qiwi plc bank shottarynda 2,3 mıllıard rýbl qalǵanyn habarlady. Kompanııa olardy ózine qaıtarýdy kózdep otyr. Depozıtterge kepildik berý agenttiginiń esebinde buryn Kıvı-banktiń menshikti aktıvteri 4 mıllıardtan astam rýblge – 68,2 mıllıard rýblge deıin azaıǵany aıtylǵan.

Halyqaralyq Qiwi plc-tiń enshiles kompanııalarynyń biri Qazaqstanda ornalasqan jáne qazirgi ýaqytta Ulttyq banktiń tekserýinen ótip jatyr, delingen habarlamada. Mundaı tekserýler aqshalaı nemese basqa sanktsııalarǵa ákelýi múmkin, dep esepteıdi kompanııa, bul keıbir qyzmetterdi usyný múmkindigin shekteýi múmkin.