QazVolunteer biryńǵaı platformasynda 45 myń volonter tirkelgen - Vera Kım

NUR-SULTAN. QazAqparat – Memleket basshysy jarııalaǵan Volonter jyly – búkil respýblıkadaǵy volonterlerdiń aýqymdy qozǵalysyn damytýǵa erekshe serpin berip otyr. Búkil volonter men erikti uıymdar bir komandaǵa birigip, kómekke muqtaj adamdarǵa qoldaý kórsetti. Bul týraly Volonter jylynyń jabylý saltanatynda Ulttyq volonterlik jeliniń tóraǵasy Vera Kım aıtty, dep habarlaıdy QazAqparat tilshisi.

Onyń aıtýynsha, Ulttyq volonterler jelisi eriktilerdiń Respýblıkalyq front-keńselerdi basqarýǵa jáne volonterliktiń ártúrli baǵytyndaǵy 17 aımaqtyq keńseniń qyzmetin úılestirý qurmetine ıe bolyp otyr.

Barlyǵynyń da biryńǵaı QazVolunteer platformasynda tirkelýge múmkindigi bar. Ol platformada ártúrli jastaǵy 45 myńnan astam erikti jáne 3 myń uıym bar.

«Koronavırýs pandemııasynyń saldarymen kúresý úshin barlyq aımaqtan 123 myńnan astam volonter tartyldy. 1 mıllıonnan astam adamǵa kómek kórsetildi. Negizgi kómek tótenshe jaǵdaı aıasynda jasaldy, eriktiler kópbalaly otbasylarǵa, medıtsınalyq-áleýmettik mekemelerge azyq-túlik aparyp kómektesti. Keıde qatty úreılengenimizdi de jasyrmaımyn», - dep oı bólisti Vera Kım.

Volonterler Prezıdenttiń oqý oryndaryndaǵy volonterlik saǵattar men eńbek ótilderine baılanysty tapsyrmasyn zor qurmetpen qarsy aldy.

Ulttyq volonterlik jeliniń tóraǵasy volonterlik qyzmetti standarttaryn ázirlep, olardy qolldaýǵa qatysty usynysyn bildirdi.

«Bul baǵyttaǵy jumys erikti uıymdar men memlekettik qurylymdardyń ózara árekettese jumys júrgizýiniń jańa ári sapaly modelin qurýǵa kómektesedi», - deıdi Vera Kım.