QazVac vaktsınasyn Dúnıejúzilik densaýlyq saqtaý uıymynda tirkeý jumysy qaı satyda

NUR-SULTAN. QazAqparat – QR Densaýlyq saqtaý mınıstri Ajar Ǵınııat ortalyq kommýnıkatsııalar qyzmetinde ótken brıfıngide qazaqstandyq «QazVac» vaktsınasyn tirkeý jumysy qandaı satyda ekenin aıtty, dep habarlaıdy QazAqparat tilshisi.

«Bizdiń vaktsınany Dúnıejúzilik densaýlyq saqtaý uıymynyń tirkeýinen ótkizý boıynsha ekijaqty júıeli jumys júrip jatyr. Vaktsınany tirkeýdiń halyqaralyq talaptary bar. DDSU mamandary byltyr kelgen. Bıyl onlaın aýdıt júrgizdi. Endi DDSU-nyń tutas mıssııasy kelmekshi. Sollardy kútip otyrmyz. Olar vaktsınany qalaı óndirip jatqanymyzdy, saraptama qalaı ótkenin, halyqaralyq standarttarǵa sáıkestigin tekseredi», - dedi ol BAQ ókilderine bergen jaýabynda.

Sondaı-aq, vedomstvo basshysy Qazaqstan jaǵy DDSU-nyń buǵan deıingi usynymdaryn oryndaǵanyn eske saldy.

«Biz olardyń usynymdaryn túgel oryndadyq. Endi kelesi mıssııanyń kelýin kútip otyrmyz. Solarmen ári qaraı jumys isteımiz. Bizden talap etip otyrǵandary – búkil shara halyqaralyq standarttarǵa saı bolýy kerek», - dedi Ajar Ǵınııat.

Foto: ortcom.kz