QazVac vaktsınasy óńirlerge qalaı taratylady

NUR-SULTAN. QazAqparat – Medıtsına qyzmetkerleri QazVac vaktsınasyn egý tártibimen jáne nusqaýlyqtarmen tanystyryldy. Bul týraly QR DSM Qoǵamdyq densaýlyq saqtaý ulttyq ortalyǵy basqarma tóraǵasynyń orynbasary Aınagúl Qýatbaeva málim etti, dep habarlaıdy QazAqparat tilshisi.

Ortalyq kommýnıkatsııalar qyzmetindegi baspasóz máslıhatynda QazVac vaktsınasyn egý qashan bastalatyndyǵy jáne ekpe Qazaqstannyń emhanalarynda qaı kezde paıda bolatyndyǵy suraldy.

«Medıtsınalyq uıymdarǵa jetkizý jaǵdaıyna qaraı 26 sáýirden bastaý josparlanyp otyr. Qazirgi kezde medıtsına qyzmetkerlerin nusqaýlyqpen tanystyrý júrip jatyr. ıAǵnı ekpeni salqyndatý rejımi, ony egý tártibi túsindirilip otyr», - dedi A. Qýatbaeva.

Óz kezeginde QR DSM Qoǵamdyq densaýlyq saqtaý ulttyq ortalyǵynyń «Sanıtarııalyq-epıdemıologııalyq saraptama jáne monıtorıng ǵylymı- praktıkalyq ortalyǵy» fılıaly dırektorynyń orynbasary Manar Smaǵul qazirgi ýaqytta mınıstrlik óńirler boıynsha tıisti jumystady pysyqtaǵanyn atap ótti.

«Halyqtyń ornalasý tyǵyzdyǵyna baılanysty myńnan úsh myńǵa deıingi doza vaktsına taratylady. ıAǵnı bul vaktsına barlyq óńirde bolýy kerek. Erteńnen bastap keıbir óńirlerdiń medıtsınalyq uıymdary osy vaktsınany alýy múmkin. Jalpy, dúısenbiden bastap vaktsına tıisti medıtsınalyq uıymdarǵa taratylyp bolady», - dedi M. Smaǵul.

Budan buryn habarlanǵandaı, jaqynda Qazaqstandyq QazVac vaktsınasynyń alǵashqy partııasy jóneltildi.

QazVac vaktsınasynyń alǵashqy 50 myń dozasy «SQ-Farmatsııanyń» habtaryna taratylyp, odan ári elimizdiń barlyq óńirlerindegi densaýlyq saqtaý basqarmalarynyń qoımalaryna jetkiziletin bolady.

Mamyr aıynda 50 myń doza kólemindegi vaktsınanyń kezekti partııasyn shyǵarý josparlanýda. Budan ári vaktsına óndirisi kezeń-kezeńmen aıyna 500-600 myń dozaǵa deıin ulǵaıtylatyn bolady.