«QazVac»-tyń vırýsty beıtaraptandyrý qabileti «Hayat-Vax»-tan joǵary – Kúnsulý Zákarııa
«QazVac vaktsınasyn salǵan aǵzanyń ımmýndyq reaktsııasy qandaı deńgeıde bolatynyn tiri vırýsty beıtaraptandyrý reaktsııasy aıǵaqtaı alady. 3244 adamǵa júrgizilgen úsh fazaly klınıkalyq zertteý men 200-den astam eriktige hattamadan tys jasalǵan zertteý QazVac vaktsınasy salynǵan adamdardyń 95%-dan astamynda SARS-CoV-2 vırýsyna vırýs beıtaraptandyratyn antıdene qalyptasqanyn kórsetti», - deıdi maman.
Vaktsına jasaýshy toptyń jetekshisi Nur-Sultan qalasynda jasalǵan zertteýge qarap QazVac-tyń tıimdiligine birjaqty baǵa berýge bolmaıtynyn eskertip otyr.
«Al Nur-Sultan qalasyndaǵy zerthanada júrgizilgen synaq ımmýndyq-fermenttik taldaý arqyly júrgizildi. Mundaı tásilmen vaktsınatsııadan keıingi antıdeneni vırýs juqtyryp aýyrǵannan keıin qalyptasatyn antıdeneden ajyratý múmkin emes. Qazir el ishinde sımptomsyz koronavırýspen aýyrý nátıjesinde paıda bolǵan antıdeneleri bar adamdar kóp. Sondyqtan ımmýndyq-fermenttik taldaý málimetteri boıynsha vaktsınatsııa nátıjelerin jáne onyń tıimdiligin baǵalaý durys emes», - deıdi ǵalym.
Kúnsulý Zákarııa Dúnıejúzilik densaýlyq saqtaý uıymy moıyndaǵan jetekshi vaktsınalardyń ózi týraly túrli zertteýlerdiń árkelki nátıje kórsetkenin eske saldy.
«Sońǵy jarııalanǵan derekterdiń birinde Qytaıda jasalǵan vaktsınanyń tıimdiligi 52%-dan aspaıtynyn, al Pfizer vaktsınasynyń tıimdiligi 64% dep túzetildi. Bul kórsetkish naqtylaýdy qajet etedi. Degenmen zerthanalyq testileý qorytyndysy boıynsha bul vaktsınalardyń ımmýnıtet qalyptastyrý qabileti 90-95 paıyzdan joǵary dep baǵalanǵan bolatyn. Jarııalanyp jatqan nátıjeler zerttelgen vaktsınalardyń tıimdiligin naqty kórsete almaıdy dep esepteımiz. Sondaı-aq, zertteýler vaktsına egilgennen keıin qandaı merzimde júrgizilgeni belgisiz kúıinde qalyp otyr», - deıdi ortalyqtyń bas dırektory.
Maman QazVac vaktsınasyna jasalǵan synaqtyń III fazasy ekpeniń tıimdiligin kórsetkenin aıtady.
«Vaktsınany baǵalaý qorytyndysy 79% jáne odan joǵary bolsa, bul barlyq vaktsınalar úshin, sonyń ishinde attyń jaly, túıeniń qomynda shyǵarylyp jatqan QazVac úshin óte jaqsy nátıje degen sóz.
QazVac vaktsınasynyń COVID-19-dyń aldyn alýǵa tıimdi ekenin klınıkalyq zertteýlerdiń III fazasy kórsetti. QazVac vaktsınasynan keıin paıda bolǵan antıdenelerdiń vırýsty beıtaraptandyrý deńgeıi Qytaı shyǵarǵan vaktsınaǵa (Hayat-Vax) qaraǵanda edáýir joǵary jáne Spýtnık-V vaktsınasynan 1-2 saty ǵana tómen. ıAǵnı, QazVac jáne Spýtnık-V vaktsınasynan keıin paıda bolǵan antıdeneler vırýstyń brıtandyq jáne úndilik shtamdarynan senimdi qorǵaıdy. Al Hayat-Vax-tyń qabileti bul turǵyda óte álsiz», - deıdi ǵalym.