QazTrade kásipkerlerdi «Aqyldy eksport 2.0» bıznes-praktıkýmyna shaqyrady
QR Saýda jáne ıntegratsııa mınıstrliginiń bastamasymen uıymdastyrylatyn shara 2022 maýsym, tamyz jáne qazan aılarynda ótkiziledi. «Aqyldy eksport» bıznes-praktıkýmynyń maqsaty – otandyq kompanııalardyń eksport qyzmetin júzege asyrý barysyndaǵy quzyretin arttyrý. Onlaın jáne oflaın formatta ótetin oqytýda 200-den astam kompanııa eksport salasyndaǵy ózekti taqyryptardy qamtıtyn 12 vebınarda quzyretin arttyrady. Árbir vebınar praktıkalyq sabaqtardan turady jáne sátti keısterdiń mysaldarymen súıemeldenedi. Bul árbir qatysýshynyń alǵan bilimi men daǵdylaryn tıimdi ıgerýine kepildik beredi. Sonymen qatar Almaty, Shymkent jáne Nur-Sultanda 3 kóshpeli semınar bolady.
Bıznes-praktıkýmnyń bastapqy deńgeıi 20-24 maýsym kúnderi ótedi. Іs-shara barysynda Álisher Mahmýdov qazaqstandyq taýar, qyzmetterdi áleýetti satyp alýshylarmen kelissózderdi B2B formatynda ótkizýge qalaı daıyndalý kerektigin jete túsindiredi. Manas Gıjdýanıev pen Dáýren Hasenov otandyq kompanııalarda ESG ádisin engizý múmkindigi jaıynda sóz qozǵaıdy. Al Daýr Chıgambaev eksporttaýshylarǵa paıdaly aqparattardy qaıdan alýǵa bolatynyn úıretse, Kamıla Orazalına Incoterms jetkizý sharttary men eksporttyq kelisimshart týraly sóz qozǵaıdy.
Jalpy, vebınarlar men semınarlar barysynda spıkerler men sarapshylar eksporttyq qyzmet júrgizý múmkindikterimen qatar tosyn kedergiler jaıynda aıtyp, olardy sheshý joldaryn usynady.
Al ortasha deńgeı 2022 jylǵy 1-10 tamyz, tájirıbeli deńgeı 1-10 qazanda ótedi.
Kóshpeli semınarlar 20 maýsym, 15 tamyz jáne 15 qazanǵa josparlanǵan. Birinshisi 20 maýsymda Almaty qalasynda uıymdastyrylady. Іs-shara barysynda sarapshy Rınat Aqbergenov «Kedendik rásimdeý: «Astana-1» aqparattyq júıesiniń teorııasy jáne tájirıbe» taqyrybynda sóz sóılep, semınar qatysýshylaryna tarıftik emes retteýdiń qoldanystaǵy is-sharalary aıasynda eksporttyń kedendik protsedýralarymen tanystyrady.
Baǵdarlamaǵa qyzyǵýshylyq tanytsańyz myna silteme arqyly tirkelińiz - http://smartexport2022.qaztrade.org.kz/
«QazTrade» AQ – QR Saýda jáne ıntegratsııa mınıstrliginiń vedomstvolyq baǵynysty uıymy jáne shıkizattyq emes ónimniń eksportyn damytý men ilgeriletý jónindegi negizgi ınstıtýt sanalady jáne qyzmetter men memlekettik qoldaý is-sharalarynyń keń spektrin usynady.