QazSovid-in synaǵynyń úshinshi fazasynyń aralyq nátıjeleri qandaı

NUR-SULTAN. QazAqparat – Qazaqstandyq vaktsınany synaýdyń úshinshi fazasynyń aralyq nátıjeleri boıynsha eshqandaı keri áser baıqalmaǵan, dep habarlaıdy QazAqparat.

Bıologııalyq qaýipsizdik problemalary ǵylymı-zertteý ınstıtýtynyń bas dırektory Kúnsulý Zakarıa ortalyq kommýnıkatsııalar qyzmetinde ótken baspasóz máslıhatynda osyndaı málimet keltirdi.

«Qazaqstandyq vaktsına synaǵynyń birinshi jáne ekinshi fazasy boıynsha keri áserlerdi baıqaǵan joqpyz. Tek isý belgileri baıqaldy. Vaktsına salǵan jer álsiz isinse kerek. Jalpy bizdiń hattamalarda tirkelgen osyndaı ǵana sátter bar. Kúrdeli jaǵdaılar baıqalǵan joq. Úshinshi fazanyń aralyq zertteýleri boıynsha da ázirge eriktilerdiń jaǵdaıy qanaǵattanarlyq. Keri áserlerdi kórip otyrǵan joqpyz», - dedi ınstıtýt basshysy.