Qazkom-ǵa qatysty daqpyrt negizsiz - Danııar Aqyshev

ASTANA. QazAqparat - Qazkommertsbanktiń qarjylyq jaǵdaıy nasharlaýda degen aqparat shyndyqqa janaspaıdy. Bul týraly Úkimettiń selektorlyq rejimdegi otyrysynan keıingi brıfıngte QR Ulttyq banki tóraǵasy Danııar  Aqyshev málim etti, dep habarlaıdy QazAqparat.

«Bul shyndyqqa janaspaıdy. Osy jyldyń jazynda Qazkommertsbankti saýyqtyrý boıynsha úlken mámile júrgizildi. Qazirgi ýaqytta bank prýdentsıaldy normatıvterdiń barlyǵyn oryndaýda. Ótimdiliktiń barlyq qajetti qoryn qamtamasyz etýde. Bankte bolǵan problemaly qorjyndy banktiń aktsıonerleri men menedjerleri tarapynan tanyldy», - dedi Danııar Aqyshev BAQ ókilderiniń saýalyna oraı.

Sonymen qatar Ulttyq bank tóraǵasy búginde Qazkom barynsha turaqty ári tartymdy qarjy ınstıtýty bolyp otyrǵandyǵyn basa aıtty.

«Onyń turaqtylyǵy men tólem qabiletine qatysty alańdaýshylyqqa esh negiz joq», - dedi ol.