«Qazaqtaný» jobasy «Rýhanı jańǵyrý» ıdeıasyna sáıkes keledi -Janseıit Túımebaev
QHA-nyń «Qazaqtaný» dáristeri bıyl Túrkistan jáne Pavlodar oblystarynda ótken bolatyn.
Qazaqstan halqy Assambleıasynyń respýblıkalyq lektorııi «Qazaqtaný» jobasy, «Rýhanı jańǵyrý» baǵdarlamasy aıasyndaǵy qoǵamdyq kelisim men jalpyulttyq birliktiń qazaqstandyq úlgisine arnalǵan, Elbasy N.Á.Nazarbaevtyń «Uly dalanyń jeti qyry» atty maqalasy aıasynda ony jańa qyrynan tolyqtyrýǵa baǵyttalǵan.
Atalǵan sharanyń ejelgi Jaıyq jerinde uıymdastyrylý mánin atap ótken Qazaqstan halqy Assambleıasy Tóraǵasynyń orynbasary – Hatshylyq meńgerýshisi Janseıit Túımebaev, Batys Qazaqstan oblysynyń Qazaqstan halqy Assambleıasy tatýlyq pen birlikti nyǵaıtýǵa qomaqty úles qosyp jatqanyn da aıtyp ótti.
«Onyń quramynda 1 oblystyq jáne 13 aýdandyq QHA Keńesi, 239 - Qoǵamdyq kelisim keńesi, 158 - Analar keńesi, 153 - Aqsaqaldar keńesi, Jýrnalıster klýby, oblystyq máslıhattyń «Yntymaq» depýtattyq toby, Batys Qazaqstan oblystyq QHA «Jańǵyrý joly» jastar qozǵalysy, barlyq oqý oryndarynda dostyq klýbtary jáne «Meıirim shýaǵy» volonterler qozǵalysy bar.
21 000-nan astam adam belsendi aktıv qatarynda.
Ákimdiktiń qoldaýymen barlyq qajetti jaǵdaılar jasalǵan. Oral qalasynyń ortalyq bóliginde ornalasqan jańa Dostyq úıi zamanǵa saı tehnıkalyq jabdyqtalǵan.
«Qazaqstannyń kıeli jerleriniń geografııasy» jobasy aıasynda oblystaǵy kıeli nysandar qataryna Jaıyq qalashyǵy, «Bókeı Ordasy» tarıhı-murajaı kesheni, Taqsaı qorǵan kesheni, Jumaǵazy áziret pen Ǵumar Qarashtyń beıiti, Jympıty aýylyndaǵy Alashorda mýzeıi kirdi.
Assambleıanyń bastamasymen «Rýhanı jańǵyrý» mýzeıi ashyldy, latyn grafıkasyna kóshý jónindegi, «Jahandyq álemdegi zamanaýı qazaqstandyq mádenıet», «Týǵan jer» jobalary iske asyryldy.
Ǵylymı-sarapshylyq top jumys isteıdi.
M.Ótemisov atyndaǵy Batys Qazaqstan memlekettik ýnıversıtetinde «Qazaqstan halqy Assambleıasy» kafedrasy jumys isteıdi».
Plenarlyq májilistiń jumysyna sáttilik tilegen Batys Qazaqstan oblysynyń ákimi, oblystyq Qazaqstan halqy Assambleıasynyń tóraǵasy Ǵalı Isqalıev: «Qazaqstan halqy Assambleıasy búginde qazaqtaı qara shańyraqtyń ýyqtaryna aınalǵan barsha etnostardy bir múddege toǵystyryp, tatýlyq pen turaqtylyqtyń, beıbitshilik pen kelisimniń temirqazyǵyna aınaldy.
«Máńgilik el» bolý muratyna baǵyttalǵan birtutas el, bir taǵdyr qaǵıdasyn kózdeıtin Assambleıanyń tyń jobalarynyń ishindegi ǵylymı-tanymdyq «Qazaqtaný» jobasy - qazaq mádenıetin, tarıhyn, fılosofııasyn, sondaı-aq qazaq halqynyń qundylyqtaryn barlyq qazaqstandyq etnostar arasynda dáripteýge arnalǵan. Sondyqtan osy jobanyń mańyzdylyǵy men maqsattaryn ulyqtaýǵa arnalǵan búgingi jıynymyzdyń da narqy zor dep bilemin», - deı otyryp, jobanyń negizgi maqsaty – qazaqstandyqtardyń ortaq mádenı kodynyń, birtutas qundylyqtarynyń jáne jalpyulttyq tarıhı sanasynyń negizinde halyqtyń birligin nyǵaıtý ekenin atap ótti.
Jyl basynan «Uly dalanyń jeti qyry» men «Qazaqtaný» jobasy aıasynda Batys Qazaqstan oblysy Qazaqstan halqy Assambleıasynyń júzege asyryp kele jatqan kóptegen ıgi sharalary týraly sóz etken oblys ákimi: «Rýhanı keńistigimizdiń jańa jańǵyrýynyń jarqyn nyshanyna aınalǵan, sanany jańǵyrtý, ulttyq bolmystan, ulttyq kodtan aıyrylyp qalmaı, ony álemdik qundylyqtarmen úılestirip, Qazaqstannyń ıgiligine jaratý jolyndaǵy maqsat-múddelerdi arqaý etken baǵdarlamany júzege asyratyn «Rýhanı jańǵyrý» ortalyǵy da oblystyq Qazaqstan halqy Assambleıasynyń qurylymy bolyp tabylady.
Kúni búginge deıin baǵdarlamanyń «Básekelik qabilet», «Pragmatızm», «Ulttyq biregeılikti saqtaý», «Bilimniń saltanat qurýy», «Qazaqstannyń revolıýtsııalyq emes, evolıýtsııalyq damýy», «Sananyń ashyqtyǵy» bólimderi boıynsha, sondaı-aq Ulttyq dombyra kúnine arnalǵan «Dombyra parti» sııaqty kóptegen ıgi sharalar atqaryldy», - dep atap ótti.
Batys Qazaqstan oblystyq assambleıasynyń aýqymdy jumystar atqaryp, Assambleıa jumysynda kóptegen mańyzdy bastamalardyń generatory bolyp otyr. Dál osy óńirde búkil el boıynsha halyqpen jumystyń mańyzdy quraly bolyp tabylatyn, QHA-nyń alǵashqy qoǵamdyq kelisim keńesteri qurylǵan bolatyn.
«Qazaqtaný» mádenı-aǵartýshylyq jobasy máni men mańyzy boıynsha «Rýhanı jańǵyrý» ıdeıasyna sáıkes keledi.
Búgin jańǵyrýdyń jańa kezeńi aıasynda qazaq halqynyń qundylyqtary da jańartylýda», - degen Janseıit Túımebaev joba aıasynda 2019 jyldyń basynan beri respýblıkalyq jáne óńirlik deńgeılerde 57 000 adamdy qamtıtyn 167 is-shara ótkizilgenin, jobanyń BAQ-ta keńinen jarııalanǵanyn atap óte otyryp, jobanyń barlyq uıymdastyrýshylary men qatysýshylaryna alǵys bildirdi.
Jalpy, respýblıkalyq lektorıı aıasynda ulttyq qolóner sheberleriniń kórmesi uıymdastyrylyp, qatysýshylar BQO QHA «Tatýlasý» ortalyǵynda boldy. Sonymen qatar, QHA ǵylymı-sarapshylyq tobynyń keńeıtilgen otyrysy, sondaı-aq 16-17 qazan kúnderi Batys Qazaqstan oblysynda qalanyń Dostyq úıi men ár túrli mekemelerinde jáne Báıterek, Terekti, Bórli aýdandarynda: joǵary oqý oryndarynda, kolledjderde jáne basqa da uıymdarda «Qazaqtaný» dáristeri ótkizildi.