«Qazaqstan» telearnasynan «Jaqsylyq» fılmi kórsetiledi

NUR-SULTAN. QazAqparat - Búgin saǵat 19:50-de «Qazaqstan» Ulttyq telearnasynan Álem chempıony, Olımpıada chempıony, Jaqsylyq Úshkempirov týraly «Jaqsylyq» kórkem fılmi kórsetiledi, dep habarlaıdy QazAqparat.

Eske salaıyq, búgin Jaqsylyq Úshkempirov qaıtys boldy.

QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» AQ túsirgen fılm Tokıo Olımpıadasy qarsańynda elde jáne shet memleketterde de kórsetiledi dep josparlanǵan. Alaıda álemdik koronavırýs pandemııasyna baılanysty kınoteatrlardaǵy kórsetilimi keıinge shegerilip keldi.

«Qazaqstan» teleradıokorporatsııasy QR mádenıet jáne sport mınıstrligine kórkem týyndyny telekórermenge usyný quqyǵyn bergeni úshin alǵys bildiredi.

«Qazaqstan» teleradıokorporatsııasy budan bólek búgin Jaqsylyq Úshkempirovtyń qatysýymen túsirilip, beıneqorda saqtalǵan «Kelbet», «Dara jol», «Sen de bir kirpish dúnıege...» habarlaryn usynady.