«Qazaqstan» telearnasynan «Eldiktiń bastaýy» jańa derekti fılmi jaryqqa shyǵady
Derekti fılm QR Tuńǵysh Prezıdenti - Elbasy Nursultan Nazarbaevtyń eldiń múddesi men bolashaǵy úshin qabyldaǵan sheshimderiniń nátıjesine arnalǵan. Atap aıtqanda, memlekettik shekaranyń bekitilýi, shetelderdegi qandastardyń atajurtqa kóship kelýi, shaǵyn jáne orta bızneske qoldaý, «Bolashaq» baǵdarlamasy men Nazarbaev zııatkerlik mektepteriniń ashylýy syndy bes aýqymdy baǵyt qamtylǵan.
Fılmde qarapaıym eńbek adamdarynyń eldegi isterge kózqarasy, pikir-paıymy, Elbasyna lebizderi kúndelikti tirshilik kórinisteri arqyly óriledi. Sondaı-aq muraǵat materıaldarynan N.Nazarbaevtyń osy bes baǵyt boıynsha sóılegen sózderinen úzindiler men beınekórinister keltiriledi.
Túsirilim jumystary Nur-Sultan, Aqtóbe qalalary, Aqmola oblysynyń Egindikól aýdany, Almaty oblysynyń Kóksý aýdany jáne Jambyl oblysyndaǵy Qordaı shekara beketinde ótti.
«Derekti fılmniń keıipkerleri – túrli jastaǵy jáne túrli saladaǵy adamdar. Biri óz salasynda jetistikke jetken memlekettik qyzmetker, endi biri óz kásibin dóńgeletip qana qoımaı, kópshilikke paıdasy tıip júrgen kásipker. Fılmde úlken ómirge qadam baspasa da, talaby zor oqýshy da bar. Olardy biriktiretini elge, týǵan jerge súıispenshilik, eńbekqorlyq pen bilim-biligin jetildirýge degen talpynys», - deıdi derekti fılm avtory, jýrnalıst Albına Áshim.
Derekti týyndy «Qazaqstan» arnasynan 1 jeltoqsan kúni saǵat 16:00-de efırge shyǵady.