Qazaqstan telearnasy elordanyń 20 jyldyǵyna qandaı tartý jasaıdy
«Astana elimizdiń bas qalasy ǵana emes, Táýelsiz elimizdiń tarıhı qalasyna aınaldy. Búginde Astanada mańyzdy halyqaralyq is-sharalar, álemdik oqıǵalar turaqty túrde ótedi. Astananyń 20 jyldyǵyna oraı korporatsııamyzdyń shyǵarmashylyq toby 10-nan astam derekti fılm men arnaıy joba daıyndady. 6 shilde kúni saǵat 19:00-de efırge shyǵatyn «Astana tynysy» atty derekti fılmdi erekshe atap ótkim keledi. Bul fılm sondaı-aq Qytaıdyń CGTN-Russian, Qyrǵyzstannyń KTRK, Ózbekstannyń NTRK, Túrkııanyń TRT Avaz, Mońǵolııanyń Sky News jáne basqa da elderdiń telearnalarynan kórsetiletindigin josparlaýdamyz», - dedi ol.
Onyń aıtýynsha, «Qazaqstan» ulttyq arnasy shildeniń 2-nen bastap 8-ne deıin Astananyń mereıtoıyna arnalǵan arnaıy jańa jobalar men derekti fılmderdi usynatyn bolady. Olardyń qatarynda «Bir sýrettiń tarıhy», «Elbasy eleń-alań», «Elbasy súıgen el áni», «El júregi Astana», «Elorda ınfraqurylymy», «Astana - arman qala», «Elorda esebi», «Jasaı ber ásem Astana», «Ulttyq arnada umytylmas ánder» jáne taǵy da basqa tyń jobalar bar. Sonymen qatar Erlan Atambaev 6 shilde kúni kórsetiletin «Nursultan Nazarbaevtyń Orta Azııanyń jańǵyrýyndaǵy róli» dep atalatyn jobaǵa da keńinen toqtaldy.
«Jobany daıyndaý barysynda, Qyrǵyzstan, Tájikstan, Ázerbaıjan, Túrkııa elderiniń qoǵam qaıratkerlerinen, saıasatkerleri men sarapshylarynan suhbat aldyq. Uzaqtyǵy 25 mınýt bolatyn jobamyz tolyq daıyn. Biz jobany altynshy shilde kúni efırge saǵat 20.40-ta shyǵaramyz», - dedi dırektsııa dırektory.
Onyń sózine qaraǵanda, ulttyq arna 6 shilde kúni 5 saǵatqa jýyq tikeleı qosylýlarymen erekshelenbek. Atap aıtqanda, saǵat 13.00-de «Aqparat» baǵdarlamasy kóshpeli stýdııadan merekelik shyǵarylymyn usynady. Qala boıynsha ótip jatqan barlyq merekelik sharalardy tolyq qamtıtyn bolady. Ulttyq arna júrgizýshileri Qymbat Dosjan men Janserik Beıseev kórermendermen, qala qonaqtarymen kezdesip, túrli vıktorınalar uıymdastyrsa, Danııar Meńilbekov, Irına Tán, Meıirjan Álibekuly, Dana Nurjigit, Qaırat Ádilkereıler kórermenmen júzdesip merekelik sharalar ortasynan tikeleı qosylady.
«Basty taqyryp», «Másele» jáne «Elden Habar» baǵdarlamalary da el ishinen tikeleı efırge qosylady. Qyzyqty spıkerler, tamasha oıyndar, vıktorınalar ótkiziledi. Kóshpeli stýdııanyń sońǵy qosylýy saǵat 17.00-de. Barlyq aımaqtardaǵy ótip jatqan sharalardy qamtýmen qatar, kúndelikti qorytyndy jańalyqtar keshki 20.00-da shyǵady.